تــــــكفون ياالبيــــــضان وإلا الدهاليس ___الله يحـطـه بينـكـم بالــــمـــــحـاوي

[الربيقي]

أخواني ابناء قبيــــــــــــلة الدهامشه ..


أسمحولي بأيراد من أشهر القصص في الجزيره العربيه ....


جـــــــــهز بـــــن شــــــــــــرار من أمراء بني عبد الله من مطير العريقه يمتدح البيضان بعد مارجعوا فرسه او خيله :


ياحمس كبدي حمس بن المحاميـس=ياونتـي ماهـي بونـة هـــــواوي

يـوم سهجنـي نابيـات النسانيـس=الموت عنـدي والحيـاة امتـــــسـاوي

الله على اللي مثل خطـو القرانيـس=يجيبهـا قـواد حـبـل الـرجــــــــــاوي

عساء فقيدت قوم فـازع كديميـس=يضرب برمح(ن) بين الاضلاع هاوي

تــــكفـون ياالبيــــــــضـان وإلا الدهاليـس=تلقفـو لـه عنـدكـم بالمـحـاوي

اما انت يمثـال وإلا انـت يانعيـس=الله يحـطـه بينـكـم بالـــــــــــــمـهـاوي

حيث انكم فريـس وعيـال فريـس=أهل مهار الخيـل مانتـم شـــــــواوي




تنويه :

مــــثـــــال بن عــــــــقاب بن غميض البيـــــضانــي : من شيوخ حرب الكبار ومن أشهر فرسانها
وهو الي رجع فرس ابن شرار بعد ماقتل فازع بن كديميس ...
نعيس بن دهيليس : من فرسان حرب المعروفين

[ابووائل العتيقي الجميشي]

بارك الله فيك يالربيقي ... التاريخ يشهدلهم بذلك ... تقبل مروري

[ابن شعبان الصليلي]

بارك الله فيك يالربيقي ونعم والله بقبيله حرب لا عنت على السرد الحي لا تحرمنا ابداعك لا هنت مشكوور

[الربيقي]

بارك الله فيك يالربيقي ... التاريخ يشهدلهم بذلك ... تقبل مروري

يالبناخي ..


ماعليك قصور فيك وربعك الدهامشه الي من اعلامهم الفارس الامير برجس الجلاد غدير الموت


وتراي يالدهامشه نحتري مزايين هالسنه ومشاركة الدهامشه((محددة الجمل ))

وكل المشاركين بأحر من الجمر ,...


لاهنت وبيض الله وجهك ...

[الربيقي]

بارك الله فيك يالربيقي ونعم والله بقبيله حرب لا عنت على السرد الحي لا تحرمنا ابداعك لا هنت مشكوور

لاهنت يانسل الشيوخ ...


ولاعليك قصور وبيض الله وجهك..

[الربيقي]

أخواني الكرام ...


لقد نشر هذا الموضوع في مدارات شعبيه بجريدة الجزيره وكذلك ((ورقه قديمه في قسم المدارت الشعبيه والقصص))
للكاتب والشاعر المعروف / زبن بن عمير العتيبي (( مقدم في قناة الصحراء ))


http://search.suhuf.net.sa/2010jaz/jan/29/tr5.htm


تنويه هام :


أخطاء الكاتب زبن بن عمير في كتابة القصيدة كاملة مما تم التعديل عليه بالاتصال مع المحرر

جريدة الجزيره / حمد المالك ....وتم الاعتذار على الخطاء الغير مقصود من الكاتب ..





وهذه قصة الابيات الموضح اعلا الصفحة كاملة /

هي وقعة الحشيوه.1295 هـــ


بين قبيلة البيضان و آل شرار / فازع بن شرار أمير بني عبد الله من مطير العريقه

ابنه الفارس والشاعر الصدوق كما اطلق عليه جلالة الملك عبد العزيز هو

جــــــــهز بن شـــــــرار بن فازع أمير بني عبد الله من مطير



والحشيوه : ضلع احمر كبير في عالية نجد ...


_ ___ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _


هذى وقعه بين قبيلة البيضان ومطير مفادها انه كان هناك شاعر وفارس مشهور معروف لدى مطير وكانت قبيلة وعامه مطير يستنجدون به ويتغنون فيه بقصائدهم.

ويقول المطران انه أميرهم فازع بن شرار اراد ان يغزو فخذ من قبيله البيضان فجمع قوم وفرسان وعامه مطير

فا أراد شاعرهم وبطلهم جهز بن شرار الاشتراك فى المعركه و كان لبطلنا وشاعرنا جواد فقام ابوه واعطى جواده لفارس اخر من مطير يقال له: كديميس .


فتاثر جهز بن شرار لهذا وتخلف عن المعركه وهو ناقم على ابوه وعلى كديميس الي غزا على خيل جهز بن شرار .


وعلم البيضان بمقدم مطير فخرج لهم البيضان وصبحوهم عن ضلع حمراء يقال له ألحيشوه ودارت بينهم معركه شديده برز فيها فرسان البيضان وبالأخص الفارس / مثال بن غميض البيضاني وكانت الدائره بحكمه الله ومشيئته على مطير وغنم البيضان ابلهم وخيولهم بما فيها جواد جهز بن شرار وانكسر فازع ابن شرارا ومطير في المعركه



فلما علم شاعرنا جهز بن شرار بهزيمة ربعة مطير واسر فرسه قال هذى الأبيات وهو كأنه يستنجد ويستعطف البيضان وأنا مسغرب لأشد الاستغراب كيف لم يستنجد بأمراء مطير مثل الدويش والبصيص ويتضح لنا ان الشاعر يلتمس الصدق ..
وبعده قام أمير البيضان / مثال بن غميض بأرسال الفرس المحببه للأمير جهز بن شرار

بعد ماقال قصيدته المشهوره والتي اوردت لكم سابقآ ...



المصدر والمرجع :

منديل الفهيد - ديوان الشيخ جهز بن شرار للمؤلف سعد مساعد المطيري

- شعراء من البادية للمؤلف عبدالله بن رداس

- مرثية في الشيخ/ عبدالله بن عبدالمحسن بن عامر الحنتوشي العتيبي رحمه الله رحمة واسعة وأسكنه فسيح جناته وجعل ذلك في ميزان حسناته.


الموضوع سبق وان نشر في جريدة الجزيره في قسم المدرات الشعبيه وكذلك قسم ورقه قديمه ..


تحياتي لكم ..

[ابووائل العتيقي الجميشي]

وألف نعم بالخوال وأفعالهم المجيدة ... واصل الابداع .....

[الربيقي]

وألف نعم بالخوال وأفعالهم المجيدة ... واصل الابداع .....

ماعليك زود ...

والله لايهينك وبيض الله وجهك ياحفيد ونسل الشيوخ ..


تحيتي ..