خلف المشعان يحرم كتابة الشعر ..!!

[ENGMEM]

قصيده جديده لكل من يقول خلف المشعان لم يشكر قبيلة عنزه




الشكر لله .. ثم .. للناس الاجناب
.................................... والا القرابه .. ليه سمّي قرابه ..؟



كود انه أقرب من عيوني للاهداب
.................................. ومن دونها لااصتك .. مافي غرابه



وقفة بني وايل معي مالها اسباب
.................................. ذيبٍ تعاوت .. من وراه الذيابه ..!!



المخلب اللي ماتسانده الانياب ..!
................................... فريسته توخذ .. ويوكل .. زهابه



مو عيب أفكر واحسب لغيري حساب
................................... وانا وراي الفين لابه .. بلابه .. :



إن قلت ( مسلم ) .. تنحني دونه ارقاب
............................. وإن قلت : ( بشر ) فماانخلق من تهابه



ربعي الياصار التفاخر .. بالانساب
............................. أمجادهم .. من قبل .. عصر الصحابه



ماعزت الالقاب .. غير اهل الالقاب
.................................. اللي خذوها.. فعل .. ماهي نهابه



الحمد لله .. ما تفيخرت .. كذاب
............................. عشان احسب حساب .. لجنة رقابه


رحت بشموخٍ كلّشت .. منه الاشناب
............................ ومثلت ربعي .. باحترام .. وذرابه



فزت برضا كل القرايب .. والاحباب
........................... ومكّنت .. في صدر المعادي صوابه



ظن عنزة .. ماخاب فيني واذا خاب ؟
............................ يحرم علي .. امسك قلم .. للكتابه

[عبنش]

بصراحه و بدون زعل

خلف اعطي اكبر من حجمه....اغلب شعره..انا وانا..

ما احد ينكر شاعريته...بس مو لهالدرجه..احرج نفسه ..بالثقه الزايده عن حدها

[دهمشي من نسل ويلان]

مشكووووووووووووووووور على موضوعك


البيرق اللي مع ابن فطيس ماني خلف كان ماجيبه

طيب ليش الثقه الزايده يعني قدامك امم تبي تفوز عليهم كلهم وحتى لو فزت شدراك انك بتفوز

وانت فايز بقلوبنا واذا على التصويت الحقيقي انت فايز على السفياني ولاهنت على الموضوع

[عادل الزناتي]

اشكرك اخي العزيز على هذا النقل الجميل



قصيده رائعه جدا لايكتبها الا المشعان



صــــح لسانــــــــــــــــــــه



وسلمت اخي على النقل


بالتوفيق ان شالله

[فواز الزناتي]

صح لسااااااااان


الشاعر

خلف المشعاااااااااااان


وعنزه تقف مع كل إبن لهااااااااا

وماهي بحاجة شكر لأي إبن من أبنائهااااااااااااا

عنزه تبحث عن الذي يجملهاااااااا اذا احتمى الموقف

مشكور أخي على النقل



تحياتي


,

,

,

[سعوط المجانين]

صح لسان


خلف المشعان



ومشكور على النقل

[راع الحردى]

صح لسانك خلف المشعان




والله ان خلف المشعان كبر بعيني



كثير كثير كثير



ولا هنت على النقل

[جمال العياشي]

صح لسان
ابو موسى
مو غريبة عليه
مشكور اخوي على النقل

[مشاري الفويزي]

بصراحه قصيده رائعه والاعتزاز والثقه بالنفس غاية كل حر واعتقد خلف شاعر مميز وافتخاره بقبيلته يحق له ولكل فرد فى هالقبيلة


تقبل تحياتى :

اخوك ,, مشارى الفويزي

[اخو بطحا]

قصيده اكثر من رائعه

وصح لسان اللي قالها وناقلها

اخوي دهمشي وعنبش

اذا وثقت بنفسك تقدر تسوي كل شي

على قولة الشاعر
تصير من الإصرار مالا يصير

وإلا انا غلطان

تقبلو مروري

اخو بطحا

[عبنش]

قصيده اكثر من رائعه

وصح لسان اللي قالها وناقلها

اخوي دهمشي وعنبش

اذا وثقت بنفسك تقدر تسوي كل شي

على قولة الشاعر
تصير من الإصرار مالا يصير

وإلا انا غلطان

تقبلو مروري

اخو بطحا
الثقه بحدود
وعلى حسب الامكانيات
ولعلك شاهدت كيف ادت هذه الثقه المفرطه
بخلف المشعان..أحرج نفسه كثيرا جدا
من بطاقة عبور,,الى....
دعوا عنكم المكابره..خلف شاعر نعم
لكنه أعطي هالة ..اكبر منه بمراحل

[ســـهـــم]

(خلف شاعر جميل في شاعر المليون ولكنة دخــــــــــل قوياُ وخرج ضعيـــف )
وهذا لا يختلف عليها أثنان
وبصراحة فكرة شاعر المليون .... فكــرة ذكية جداُ وتكسب الملااااايين

بس وبكل صـــــــــراحة.................. ماهي ذكية بكثر ماحنا أغبياء سواء شعراء أو متذوقين
فلوسنا تروح لأحياء التراث الأماراتي وحنا تراثنا (صفـــر)

وبصراحة أخرى ملينا مهايط وتحجيم الناس أكبر من حجمها سواء شعراء والا غيرهم

ودمــــــــــــــتــم .........

[الجـمـيـشـي]

مشكور وصـــح لسانك

[سطام السلطاني]

صح لسان
ابو موسى
مو غريبة عليه

[خالد الشليخي]

مشكور اخوي ويعطيك الف عافيه يالذيب
وماقصرات وعنزه توقف مع من كان
وخلف منه وفينه

[امير بكلمـــــــــــــتي]

مشكور اخوي على هذا النقل
وابو موسى معروف بقصائد الاعتزاز
بالقبيلة وهذي وحدة منهن
وخلف ظلم
ولكن ان لم يكسب البيرق
فهو كسب قلوب الملايين


دمت لنا

[عاشقة القصيد]

صراحة مع احترامي للجميع خلف يستاهل وماعمره مدح نفسه بس كل قصايده يمدح بها كل قبيلته انادايم اسمع قصايده

[فيليب العنزي]

خلف مشعان ماهو الا صعلوك ماجن

لايمثل مثله قبيلتنا

[سكروووب]

ظن عنزة .. ماخاب فيني واذا خاب ؟
............................ يحرم علي .. امسك قلم .. للكتابه

سلم لي عليه كثير السلام
وقله أي بالله ظننا خاب فيه
والدليل مقطع بلوتوث شفناه في مكان لاينبغي ان يكون فيه وايلي
سواء كان شاعر او غيره

[الشويب]

بصراحه و بدون زعل

خلف اعطي اكبر من حجمه....اغلب شعره..انا وانا..

ما احد ينكر شاعريته...بس مو لهالدرجه..احرج نفسه ..بالثقه الزايده عن حدها

انا معك ان ثقته زايدة لدرجة انا وانا

[شيخ تحت الانشاء]

قصيده جديده لكل من يقول خلف المشعان لم يشكر قبيلة عنزه



هذه أتت بعد شاعر المليون بعد ما استنزف فلوس عنزه وعندما حان وقت شكرهم
قال اراهن على جمهوري.؟؟.!!؟..!! وكأن عنزه جمهوره ونسي ان يشكرهم حينها

[عمر غربي]

.


يعطيك العافيه على نقلك


احقاقا للحق وبحكم معرفتي الجيده بخلف اقول انه يملك

من بياض القلب و(الحميا) بقوه..مالله به عليم..

وشاعر لايختلف عليه اثنان..وربما افراطه في الثقة في برنامج

لم ولن يكن الشعر همه الاكبر ..اسقطه مبكرا..

ولمعرفتي التامه اقول انه خرج قويا;)

تحياتي للجميع