هذه القصيدو مهداه للشيخ سعود رشيد المجلاد

[محمد مونس اللميع]

هات القلم يالقرم واحضرلي البك
مادام فكري للتماثيل رايق

مادام هاجوس الشعربالحشى دك
أصوغ عسرات البيوت الشواعق

صواعق دكت ثرى ارض الشعر دك
من شاعر لاقال صاغ الصواعق

ومنزه شعري قوي مايجي رك
حصن صمد في ساحة الشعر شاهق

لامن سمعها خفيف العقل يشتك
وقعه شديد وضغط عالي وصاعق

تلفى لمن هو لالحق باللقا فك
ياصل ولاتعوقه كبار العوايق

صميدع حلحيل حلال مالك
سهيل عن كل المخاليق فارق

يقدم ليامن الردي باللقا عك
سيف على روس المناعير شارق

سيف يفك الراس عن منكبه فك
وبالطيب غيث فيه لمع البوارق

انا اشهد انه للطويلات مدرك
وفعله على كبد العدى كالمطارق

سعود ولد رشيد حر لياشك
مخالبه وسط الثنادي موارق

ينصاه من صكه زمانه وتصدك
هموم بقعا في ضميره تدارق

وان كبرت القاله يحل المشربك
سعران من سعران وصف مطابق

عليه حليا رشيد ليث محنك
فعايله تشدى الجبال الشواهق

والقدس تشهد يوم ضرب المشوك
يوم الفشق مابين خارق وحارق

والجيش يوم انه تأهب وحرك
رشيد يزمي مايدور المدارق

لامن لفيته قال مرحب هلابك
ونور الجبين من الفرح صدق شارق

وفنجال بن مزعفر جاهز لك
والعود الازرق بحمر الجمر غارق

من بعدها وسط الصحن قدموا لك
جزيل عن كل الجزيلات فارق

وياشيخ مهما قلت مقصر بك
فعلك سنود واضح به فوارق

[ثامر الخديّر]

محمد اللميع

علم في الشعر

وأبو زيااااد يستاااهل

[مشعل الجميشي]

صح لسانك :)
أبو زياد يستاهل

[عادل الزناتي]

ماقصرت يامحمد

كتبت واجدت


والشيخ سعود يستاهل


صـــــــــــــح لسانــــــــــك


دااااااااااام تواااااااصلك


بالتوفيق ان شالله

[فهد الزبيني]

صــــــــــــــــــــــــــــــح السانك

ويستاهل الشيخ ســعود

[مشاري الفويزي]

صح السانك بصراحه ابيات رائعه والممدوح يستاهل

تقبل تحياتى


اخوك ,, مشارى الفويزي

[ســـهـــم]

صــــــــح لســـــانك ...................
والممدوح يستاهل وأكثر

ودمت. . . . . .

[ابوسارهSARA]

صح لسانك واعتلا شانك
والشيخ سعود يستاهل

[ENGMEM]

اخوي محمد مونس اللميع صح لسانــــــــــــــــــــــــــــكـــــــــــــ

انت شاعر ومن عائلة شعراء والقصيده في رمز الدهامشه

تقبل مروري

[دهمشي من نسل ويلان]

صح لسانك يا الذيب

[((المحيني))]

والله وألف نعم بابو زياد


يستاهل أكثر

[سكروووب]

صح لسانك ويستاهل ايوزياد كل ماقيل فيه

[فهاد أبا الروس]

صح لساااااانك يامحمد





قصيدة جميلة وجزله منك




وابو زياد اشهر من نار على علم وهويستاهل المدح وزود

[محمد الضبيان]

قصيدة جزله من شاعر جزل

لاهنت عالابداع

[ابوزبن]

قصيدة جميلة من شاعر مبدع وابو زياد نفتخر ونعتز بة يستاهل اكثر

[منصور الجلعود]

سعود ولد رشيد حر لياشك

مخالبه وسط الثنادي موارق


صح لسانك ياللميعي

ويستاهل أبو زياد


ولاعدمنا تواصلك الراقي


,

[علي صفاق الجميشي]

لامن سمعها خفيف العقل يشتك
وقعه شديد وضغط عالي وصاعق

صح الله لسانك

[الخيال]

صح لسانك علىالقصيدة الرائعة


وانشهد ان ابو زياد يستاهل

[فؤاد محمود قليّ]

دكيت حنوكنا دك بها القصيده الجزله

سلمت والممدوح يستاهل

[راعي سميراء]

صح لسانك

ويستاهل كل خير ابن الشيخ

مشكور وماقصرت

تقديري