سلمان الودينه
05-27-2008, 04:26 PM
قصيده إجتماعيه أتمنى أن تلامس سماء ذائقتكم الشاهقه
حلو المعاني ، مثل حلوات الأثمار=و ما طال به غصنه ، خيالي يهزّه
أقطف جنى ما عذّقته الأفكار=و أسابق الطير المجنح ، وألزّه
أقنّد الليّ يشتهي جزل الأشعار=عيني على جزل المعاني ، وأرزّه
يشورني فاهم وآخذ بالأشوار=و لا تقاود بي ، للأثام عِزَّه
و ماني عجولٍ يصطفق كنّه إعصار=كدش الرمك ، هي أسبق الخيل فزّه
لا طافيه ناري ، ولا موقد ٍ نار=و من يوقد الفتنه ، ما الله معزّه
هذا وكرهي ، وكل كرهي لجزار=لقفي المقفي ، قام موسه يحزّه
يا كل لحمنا ، بينهم ، بارد وحار=نمّام ، بهّات ٍ، و في كل حزّه
و يا حي فال اللّي دمح زلة الجار=قربه مغثّه ، وكن قربه يعزّه
الجار له حقّه ، وإن جاركم جار=أحذر خوانك ، لا حديهم يلزّه
وتخيّر النشمي إذا حلّت أسفار=وإيـّاك ثم إيـّاك لا تستفزّه
وأفطن ترى الجنه دارٍ للأخيار=ولا ترتجي في غير الإسلام عزّه
وإيـّاك ثم إيـّاك يا محمد النار=أحرص على نفسك و منهو تعزّه
هاذي نصايح يا محمد وتختار=ما جاز لك منها ، تنقّه ودزّه
لأخوانك اللّي يشبرونك بالأنظار=وأياك عرض الناس بالك تخزّه
وسلامتكم
حلو المعاني ، مثل حلوات الأثمار=و ما طال به غصنه ، خيالي يهزّه
أقطف جنى ما عذّقته الأفكار=و أسابق الطير المجنح ، وألزّه
أقنّد الليّ يشتهي جزل الأشعار=عيني على جزل المعاني ، وأرزّه
يشورني فاهم وآخذ بالأشوار=و لا تقاود بي ، للأثام عِزَّه
و ماني عجولٍ يصطفق كنّه إعصار=كدش الرمك ، هي أسبق الخيل فزّه
لا طافيه ناري ، ولا موقد ٍ نار=و من يوقد الفتنه ، ما الله معزّه
هذا وكرهي ، وكل كرهي لجزار=لقفي المقفي ، قام موسه يحزّه
يا كل لحمنا ، بينهم ، بارد وحار=نمّام ، بهّات ٍ، و في كل حزّه
و يا حي فال اللّي دمح زلة الجار=قربه مغثّه ، وكن قربه يعزّه
الجار له حقّه ، وإن جاركم جار=أحذر خوانك ، لا حديهم يلزّه
وتخيّر النشمي إذا حلّت أسفار=وإيـّاك ثم إيـّاك لا تستفزّه
وأفطن ترى الجنه دارٍ للأخيار=ولا ترتجي في غير الإسلام عزّه
وإيـّاك ثم إيـّاك يا محمد النار=أحرص على نفسك و منهو تعزّه
هاذي نصايح يا محمد وتختار=ما جاز لك منها ، تنقّه ودزّه
لأخوانك اللّي يشبرونك بالأنظار=وأياك عرض الناس بالك تخزّه
وسلامتكم