الشاعر غانم اللميع

[النمري]

هـــــو الـشـاعــر / غــانــم بــن عـلي مــشـرف الـلـمـيـع الـعـيـاشـي الـدهـمـشــي الــعـنــزي مـن مـوالـيــد 1302هـفـي مـنـطـقـة نـجـد .
كـان الشاعـر بـدوي يعيـش كـأي بـدوي , وكانت بدايـة قـرض الشعـر لـه فـي الاربعيـن , وقـد حدثـت لـه مساجـلات شعريـة بينـه وبيـن الشاعـر الكبيـر / محمـد الاحمـد السديـري عندمـا كـان اللميـع يسكـن منطقـة الـجـوف .
وقد انتج الشاعر عدة قصائد بمدح الشيخ محمد ابن مجلاد , والشيخ محمد بن فرحان الايدا , والشيخ محروت ابن هذال , والشيخ فواز ابن شعلان , والملك عبد العزيز بن سعود آلسعود طيب الله ثراه , والملك سعود بن عبد العزيز آلسعود , والامير محمد السديري .

قال الشاعر غانم اللميع هذه القصيدة يثني فيها على المغفور له الملك عبدالعزيز بن عبدالرحمن الفيصل آل سعود طيب الله ثراه :
يالله يامنشي ثقيل الهماليل ...... ياباعث قاعه وخلقه بالامطار
الواحد اللي يعلم العدل والميل ...... الخالق اللي للخفيات خبّار
قال المعرّف فصّل الهرج تفصيل ...... قرايضٍ ماقالها كل بيطار
ياعيال عقب السولفه والتعاليل ...... اللي بفكري دنة النجر له كار
وحطوا بها قيمة سنافٍ من الهيل ...... ويجوز كان انك ثلثته بمسمار
طب القلوب اللي تجيها الولاويل ...... شربٍ من البن الحمر حاميٍ حار
وناسةٍ لافات ثلثٍ من الليل ...... لانام ولد الثور مع بنت الاثوار
اللي يديهم بالمراجل مساهيل ...... لا عللوا ضيفٍ ولادلّهوا جار
وعندي لكم شور وبالاشوار تنفيل ...... وترى الهدي نوبات يِلقى بالاشوار
دنوا ثلاث معفيات من الشيل ...... لاهن من الفطّر ولاهن بالابكار
عليك بالجلس ولاهن مواحيل ...... حلات حاصلهن على قدر الاكوار
عقب السرى حيل يجفلن تجفيل ...... اليا جا نهارٍ به تبي البيت والغار
حمر العيون مداحمات المخاليل ...... اكواعهن ماقربن حول الازوار
اليا صار جيش السيره له جواديل ...... متغابشات المطرق قطم الاظفار
نبغي الامام اللي تجيه المراميل ...... هو منوة اللي ينحرونه بمسيار
عبدالعزيز الشيخ ماله تماثيل ...... لاحاكمٍ مثله ولاضنتي صار
نطلب من الباري لعمره تماهيل ...... فقده على العالم مصيبات وكبار
هو الذي ينقل هموم المعاييل ...... كفيل كافلهم تبيّن ولا نار
ياعز نجد اللي حكمته بتذليل ...... وحشمتها حشمة معزب لخطار
ونظفتها من ديرات الشغاديل ...... بالسيف الاملح لين هديت الاشرار
واغنيت ناسٍ ياخو نوره مهازيل ...... واشبعتهم جعله حجابٍ من النار
عقب الكسافه والعزر والغرابيل ...... خليتها امّار وتامر على امار

[النمري]

ومن قصايد غانم اللميع



غزى الشيخ محروت ابن هذال على اخواله التومان من شمر فاخذ حلتهم وحلالهم وهرب كثير من فرسان التومان ومن ضمنهم خاله الشيخ برغش التمياط .
فاتى الشيخ برغش التمياط بعد هذه الحادثة الى مجلس الامير محمد السديري فجاء ذكر مافعله الشيخ محروت ابن هذال فاراد برغش التمياط ان يتشفى منه ولن يجد مكانا مناسبا اكثر من هذا , وكان من ضمن الجالسين الشاعر غانم اللميع .
فطلب الشيخ برغش التمياط من غانم اللميع ان ينشده احدى قصائده المشهورة في ايام حروب العمارات وكأنه قد نسي حمية الويلان لبعضهم , فرد عليه غانم :
تبي القصيدة هذي ؟
فقال الشيخ : اي والله وياليت تعلمنا وش سوا الشيخ يوم سمعها .
فرد عليه غانم : ابشر ولايهمك .
فانشد غانم اللميع هذه القصيدة مرتجلا :



يامزنـةٍ جتنـي شمـال النخيلـه
برقه يخـوّف قبـل ياتـي هللها
برقه يخوّف قبـل ياتيـك سيلـه
من عند حسو الخر صار امحملها
يقودهـا حـرٍ يصيـد الجليـلـه
ماهو طوير صاد خرنـق واكلهـا
الشيخ صال ودار ضـده محيلـه
من الخوف نار وجوخته مانقلهـا
صارت على العدوان كدرى سحيله
عدواننـا نـارت وخـلـت حللها
ماهو مبـارك منزلـك بالسليلـه
جاك البلا مصبـاح ليلـة نزلهـا
بديارنـا ترتـع ولا لـك دليلـه
تمشي على كيفك وتشرب عقلهـا
الفيضه اللـي كـل يـومٍ تكيلـه
ترعى حلاوي نبتها مـع سبلهـا
كان انت ناسيها وناسـي جميلـه
قدم لكـم وحـده وعنـده بدلهـا
عـز الله ان ابنيكـم ينعنـي لـه
شـرٍ لهاليهـا وخيـر لفحلـهـا
وشولـه الحرمـه تجـوّز حليلـه
اللي ولدها هـو غرابيـل اهلهـا

[النمري]

وهناك قصيدة جميلة وحماسية للشاعر غانم اللميع ومشهورة جدا أحببت أن أوردها لانه لم تذكر مع القصائد السابقة ولكن بعد حذف بعض أبياتها وبعض أشطر الابيات منها ووضعت ما يمكن إيراده منها ، ربما يأتي البعض ويقول القصيدة تشير الى كذا او كذا ، فأقول هذا موروث شعبي إنتهت أجيال وقائلوه جميعا ولم يعد هناك مكان للتشاحن أو البغضاء فقد غير الاسلام جميع المفاهيم وأصبح هذا الموروث في عداد القصص التي تحكى وليس لها أثرا على أحد فذكرها أفضل من إندثارها ، وإليكم القصيدة:

ساهر بالليل ما جاني انـــــــــوادي
من ظلايم شيخ اجراهن علينــــــــــا
صبرلانا ما يصبره كود المهــــــادي
رافي خملة قصيره له سنينـــــــــــا
يوم شاف الجار بالنسوان عــــــا
حزب النسوان عن علم يبينـــــــــــــا
يا بو (...) منت على درب القـــوادي
لك سنين مسملات مبتكينــــــــــــــا
تبي تجري شيء ماهو قبل قــادي
ما ذكر في وقت أهلنا الاولينـــــــا
ندري إنك شيخ وعلومك ابعــــــادي
مير حنا ما نبيك ولا تبينــــــــــــــــا
هات بن ياسين مع رايع الرمــــادي
وجب اجنودك واللي معهم مشتهينــا
لو تلم من غثيثين البــــــــــــــــــوادي
ما نطيعك والموازر في ايدينـــــــــا
ما نطيع اللي يجينا بالعنـــــــــــادي
لطمة الفسقان ما تشكل علينـــــــــا
حنا ...... كل ما طال الجهــــــــادي
يوم شين الوجه نصبح زايدينــــــــــا
أنشد (.....) واللي عنهم عــــــــادي
وش جرا من ضرب عطبين اليمينــــا
يوم جيتوا مثل عمدان الجـــــــــرادي
رحتوا مثل الصيد يوم إنا مشينــــــا
يوم وصل الضرب مصقول الهنـــادي
طاح ما به روح من حنا ولينـــــــــا
كن جدع الروس تجديع الهـــــوادي
حنظل تحاذفوا به جاهلينـــــــــــــا
عدوا عتيق فلا مثله امعــــــــــــادي
مير حنا نسكت كنا ما دريـنــــــــا
كيف ديرتنا تحط ابها الحــــــــدادي
من شمال الخر امحرمها علينـــــــا
قول عنتر صدق ما غيره وكـــــادي
فاتن الاربع وحنا صابرينــــــــــــا
الوعد وإن سيل الله كــــــــــل وادي
حرمة اليسرا ترى الممشا يمينــــــا
حرمت على اللي عاشق بالعمـــادي
وحلت بالاول على اللي فايتينـــــــا
كان احامر سال من حد الحمـــــادي
تبي سيله لك او سيله ما يجينـــــــــا
مرتع الفطر عريضات النـــــــــــوادي
يرتعنه وبو من يزعل لعينـــــــــــــــا
يرتعنه كل وضحا بستنــــــــــــــادي
يرتعن القفر والخافي يبينــــــــــــــا
لو نلوحك ساعة حسن المـــــــــرادي
يتلف التالف وتصفي من حدينـــــــــا
يقصر حبل الرمث عن ورد العدامـــي
ويشرب الماء الصافي من حبله متينا
عيب على شيخ ايلافه للبــــــــــلادي
يرجي الفزعة من المتوظفينــــــــــــا
حكم رب البيت ولا حكم العبــــــادي
نبي حكم الله ولا حكمك علينـــــــــا

[النمري]

غانم اللميع يمدح الشيخ محمد بن فرحان الأيداء :





يا راكب اللي مثلها مـا يشـادي
يكود هدس يفهم الدرب راعيـه
إلى انطلق سرحية مـع حمـادي
برقية المخبر لأمـر بـدأ فيـه
أحزب عليها يستفـك الشـدادي
ترى المطرف من غراضك تخليه
لا صار بعيونه بياض وسـوادي
أن ما أحتكم ركابها غير ترميـه
وإلى ركبناها نعـرف المبـادي
يم الرجال اللي عليها المشاريـه
لا جيتهم كسبت كسـبٍ وكـادي
كسبت كسب والدبش في مفاليـه
طمعان أنا بأهل العلوم البعـادي
واللي يناجي حرمته مـا ندانيـه
شفي محمد مثل فـرخ الهـدادي
ما صح لي شوفه وأنا العام باغيه
حر إلى خوى على الصيد صادي
طير السعد ما هو على قد راعيه
طير يصيّد مـن كبـار الثنـادي
ما نده الجيران واللـي حواليـه
كل يوم بيته مثل يـوم العيـادي
ذبح الغنم ما هو عن النيب مكفيه
يا ما ذبح وضحى ردوم سنـادي
تباعت الراعي إلـى مـد تتليـه
وعنيد يلـوي للعنيـد المعـادي
ياما يدل الحق وهو قبل مغديـه
شغله بربعه مثل شغل المهـادي
والجار لو يظهر خمالـه يخفيـه
ربعه حكمهم بالهدى والقـوادي
اللي لهـم رب المقاديـر هاديـه
طلع لهم ما هو خطات الهبـادي
عسى فداه اللي يفـرق عوانيـه
ما هو مجـدع لابتـه بالهـوادي
لا عتازهم لمار ماهـم حواليـه
كلاً يبي من فوق طيبـه يـزادي
لكود الأيداء نصف طيبه يكفيـه

[المستشار]

غانم اللميع اكبر من كلمة شاعر

غانم اللميع وزير الاعلام للمحلف

نريد اخي العزير الكثير من القصائد

دمت بود

[شااهر الجلعود]

رحم الله الشاعر " غانم اللميع "
فقد كان شاعراً جزلاً
ونحن بانتطار الكثير من قصائده
كل الشكر لك الأخ " النمري " على مجهودك

[فهد الزبيني]

الله يرحم الشاعر غانم اللميع

مشكور على إضافة قصائدة

وننتظر المزيد من قصائدة

[سلطانُ]

رحم الله الشاعر غانم اللميع

[فـــرج الدهمشـــى]

السلام عليكم ورحمة الله وبركاته



اللميع( وزير اعلام الدويله) والمتحدث الرسمي باسمها,اذا انشد احدث ثورة عارمه لاتهدأ.
عاصر الامير الفارس/ محمد النركي المجلاد(سعران) فسطر الشعر اروع الملاحم والافعال الخالده.
حصل ذات يوم ان جرت مفاوضات حول بعض الامور التي كانت ستؤدي الى حرب بين الدهامشه واحد الاطراف ووكادت الاطراف ان تصل الى حل, لولا ان اللميع لم يكن راضيا عن الصلح وكان خارج الخيمه ويسمع مايدور فيها ,فأخذ بندقيته وقام( يعرض):




شيخنا يانخيتـه طـاع قوليلـه = وابعدت رمعته من فوق مرماعي
مايرد العشايـر عـن مداهيلـه = كود ياخذبها مشتـى ومرباعـي


فقام سعران وانفض الاجتماع وكان ما اراد اللميع!!!!!
كان يشعل الحرب ويطفيها,انه باختصار شاعر الحرب والسلام


لاهنت على نقل القصائد