الشاعر خلف المشعان وقصته مع العم نور الدين السوداني

[أبوبندر]

بسم الله الرحمن الرحيم
سوداني من زملاء الشاعر خلف المشعان في شركة ( العليان ) كان معه جوال رهيب 2000 جا يوم ومعه جوال الفارس وسأله خلف المشعان وش اسم جهازك قال الفارس 2000 وهم في 2006م


قصة العم نور الدين من السودان الشقيق احد ضحايا العولمة والتطور العصري ....!!!!

قال الشاعرياخي ضحايا هالتطور..كثيرين
------------- والعم ( نور الدين ) اخر ضحية
عشرين عام ونور ماشي على الدين
------------ مافي موظف ( بالعليان ) .. زيه
خلوق وحبيب وطيب و مسكين
------------ ودايم على نفسه يبدي.. خويه
يمشي حسب ممشى العمل والقوانين
------------ ومأدي الواجب.. بنفس رضيه
ربك بلاه .. وجاب له مدري منين
------------ بلية .. ياكبرها .. من بليه
بدل ( رهيب 2000 )بالفارس (2000)
------------ ويامن شراله من حلاله .. أذيه
ركب من النغمات .. ( ياليل يا عين )
------------ ( وعل الهودلك .. يابه .. وعلى الهودليه )
وكل ماتصل به شخص طنش له شوين
------------ يعني اسمعو .. نغمة جهازي قويه
فجأه/ دخل مديرنا بخاطر شين
------------ منهو جهازه ؟؟ جاوب ( الزول ) ليه
قال اقفله .. لا اكسره فوقك والحين
------------ وشوي سواله .. ملف وقضيه
وقع تعهد وانخصم منه يومين
------------ من دون أدنى .. ذنب والا خطيه
ضحكت من قلبي وانا اقول ياشين
------------- ماقلت لك يانور .. خذ ( فيصليه )

[مشاري الفويزي]

يعطيك العافية على القصة وعلى القصيدة الطريفه والمميزه
لك تحياتى ,,,

[أبوبندر]

ـأشكرك على مرورك الجميل

[نظره ثاقبه]

أهلـن بـكـ أبوٍ بندرٍ


وأهلن بعوٍدتك مجددآ لنآ


قصيدهـ رآئعه لشآعر رآئع



ألف شكر يالنسيب;)

[عقيلي المجلاد]

ابو بندر
اهلا وسهلا ويالله حيه
قصيده ساخره من النوع الطريف لشاعر خلف مشعان
الله لايهينك على النقل الرائع والذوق العذب
تحياتي واحترامي

[الخيال]

هههههههههههههههههههههههههههههههههههههههههههه

وش ذنب المسكين الزول اكل خصم من الراتب

[منصور الجلعود]

قصيدة ظريفة يعطيك العافية

ودائما ً القصائد المنقولة تكتب في قسم المنقول ولك تقديري


,

[احساس كاااااتب]

يعطيك العاااافيه ع النقل الجديد

واتمنى انك ماتحرمنى من جديدك

اخوك احساس كاااتب