شيخة قصيد بني وائل

[أبو فواز السويلمي]

بـسـم الله الـرحـمـن الـرحـيـم

الـسـلام عـلـيـكـم و رحـمـة الله و بـركـاتـه

لعنزه ثلاثه شيخات وهذا احدى الثلاثه

والقصيده اشهر من الشهره

وحبيت اضعها بين ايديكم واتمنى

ان تنال على اعجابكم

هذي قصيده مشهوره و وافيه من شاعر وافي

وهو الشاعر : مقحم النجدي الصقري رحمه الله

ويقول الشاعر :



مـن البارحـة بالقـلـب هـجـس ٍ وتعـبـار
.............هـجــس ٍ وهـاجــوس ٍ تـعـاقـب نـكـيـفـه

الصبـر مفـتـاح الـفـرج هــو والافـكـار
............مــن لاصـبـر تصـبـح حـوالـه كسـيـفـه

يالله يـالـمـطـلـوب يــــــاوال الاقــــــدار
...........انـــت الـــذي مـــدات جـــودك لـطـيـفـه

يالله يالمـعـبـود عــــاون هــــل الــكــار
..........تـــحـــل شــــــدات عـلـيــهــم كـلــيــفــه

الـلــي مجالـسـهـم بــهــا بــــن وبــهــار
..........ونـجــر ٍ يـصــوت للـمـسـيـر رجـيـفــه

ومـكـارم ٍ للضـيـف عـجــلات وكـبــار
.........ومـفـطـحـات فــــي صــحــون نـظـيـفـه

تقليـطـهـم لـلـضـيـف قــعــدان وبــكــار
...........وحـيـل الغـنـم وقــت السـنـيـن الحفـيـفـه

اكــرام ضـيـف الـبـيـت حـــق وتـعـبـار
...........والـكــل مــنــا يـفـتـخـر فــيــه ضـيـفــه

يــا مـزنـةٍ غـــرّا مـــن الـوســم مـبــدار
..........الــلــي جـذبـنــي مــــن بـعـيــدٍ رفـيــفــه

هـلـت مــن القـبـلـه همـالـيـل الأمـطــار
.........مـــن سيـلـهـا الـــوادي غـدالــه وحـيـفـه

تمـطـر مــن الـهـدرا الـيـا خـشـم سـنـار
..........وتـسـقــي ديــــار مـحـقـبـه والـحـتـيـفـه

وتضفـي علـى كـل المفـالـي والاقـطـار
..........وتصـبـح بـهـا خـــدان ربـعــي مـريـفـه

عقـب الحيـا فاحـت بهـا ريـح الازهــار
...........وتـعـاقــب الــنـــوار مــثـــل الـقـطـيـفـه

وتـرعـا بـهـا الـغـرا وتبـنـي لـهـا طــار
............عـقـب الضـعـف راحــت ردوم منـيـفـه

اذوادنـــــا مـايـرتـعــن دمــنـــة الـــــدار
...........ولا يــرعــن الا بـالـفـيـاض الـنـظـيـفـه

يــرعــن بـعـبــدالله وجــبــر ٍ وجــبـــار
..........خــيــالــة يــــــوم الــمــلاقــا عـنــيــفــه

ترعى بها الوضحـا مـن الـذود معطـار
..........غـبـوقــة الـخـطــار عــجـــلٍ عـطـيـفــه

يـبـنـي عـلـيـهـا بـنـيــة الـلُّـبْــن لــجــدار
.........عـقـب الضـعـف راحــت ردومٍ منـيـفـه

اذوادنـــا يـرعــن بـنــا ســـر وجــهــار
........مــن دونـهـن نــروي الغـلـب والرديـفـه

ترعى بضف الغوش بقصاف الاعمار
.........تقـطـف زهــر مرباعـهـا مــع مصيـفـه

ما هـي سوالـف مسـرد ٍ عقـب مـا نـار
.........اللـي هــرب واطــراف رمـحـه نظيـفـه

إن سوهـجـوا عنـهـا قليلـيـن الابـصــار
........مـن دونـهـا نــروي السـيـوف الرهيـفـه

ان سوهجـوا عنهـا معاميـس الابـصـار
........حــنــا نـــــرد الــلـــي يـبـيـهــا نـكـيـفــه

خـطـو الـولـد مـثـل البليـهـي الـيـا ثـــار
..........زود ٍ عـلـى حمـلـه نـقــل حـمــل ألـيـفـه

بـشـدا هـديـب الـشـام شـيّــال الاقـطــار
..........والـيــا كـبــر حـمـلــه تــــزاود زفـيـفــه

وخطـو الولـد مثـل النـداوي الـيـا طــار
...........صيـده مـن الـجـزلات مـاهـي ضعيـفـه

ترجـي العشـا مـن مخلبـه وقـع وطـيـار
..........حـسـه عـلـى صـيـد الـخـلا لــه وحيـفـه

وخطـو الولـد يصبـر علـى موتـة النـار
.........صـفــر عـلــى عـــود تـضـبــه كـتـيـفـه

وخطـو الولـد يامـال قصـاف الاعـمـار
........لانــافـــع ٍ نـفــســه ولا مــنـــه خـيــفــه

والـيـا بخصـتـه مـاسـوى ربــع ديـنــار
.........مـــع الـعــرب يـشـبـه خـطــاة الهـديـفـه

حـنــا فـريــق ولا نـغـبـي سـنــا الـنــار
.........مــــا نــنـــزل الا بـالــديــار الـمـخـيـفـه

ودار ٍ بـــه الـحـقـران مـاهــي لــنــا دار
...........حتيـش لــو صــارت خـصـاب مريـفـه

وحـنـا لــك الله مــن بعـيـديـن الاخـبــار
.........والنـفـس مـــا نـلـحـق هـواهــا حسـيـفـه

حـلـويـن للـصـاحـب وللـخـصـم قــهــار
.........وعــدونــا لــــو هــــو بـعــيــد نـخـيـفــه

حنا كما المشخص عن الصرف ما بار
...........بـالـوزن يـرجـح والـمـصـاري خفـيـفـه

وتـلـقـى منـازلـنـا رفـيـعــات واخــيــار
..........والـرجـل عــن دوس القصـايـر حفيـفـه

لابــد مــا نسجـلـهـا تـواريــخ واذكـــار
.........وتـبـقـى لدسـمـيـن الـشــوارب وظـيـفـه

الا ومـــع ذلــــك لــــك الله لــنــا كــــار
.........عــن جـارنـا مـاقــط نـخـفـي الطـريـفـه

نرفـا خمـال الـجـار لــو هــو بـنـا بــار
.........ونضـحـك حـجـاجـه بالـعـلـوم اللطـيـفـه

ولا نبـدي الخافـي لاصــار مــا صــار
.........ونـدمـح خـمـال الـجـار لــو بــان حيـفـه

ونـرفـا خمـالـه رفـيــه الـعــش بـالـغـار
.........ونــودع لــه الـنـفـس الـقـويـه ضعـيـفـه

والـجـار لــه قيـمـة وحشـمـة واعـتـبـار
.........وجـارتـنـا عـــن كـــل عــايــز عـفـيـفـه

مـا زارهــن مــن يبـغـي الحـيـف زوار
........الا ولا عــنــهــن نـــــــدس الـغــريــفــه

نـبـيــه إلــيـــا بـــــدل الـــــدار بــديـــار
.........وكـــــل بـجـيـرانــه يــعـــد الـوصـيـفــه

نـكـرم سـبـال الضـيـف حــقٍ وتـعْـبـار
.........لا مـــن ولـــد الـعـفـن شــــح بـرغـيـفـه

أحــد ٍ عـلــى جـــاره بـخـتـري ونـــوار
..........و احــدٍ عـلـى جــاره صـفــاتٍ محـيـفـه

وصـلاة ربـي عـد ماخضـر الاشـجـار
.........عـلـى الـرسـول الـلـي علـومـه شـريـفـه

أتمنى أن تكون عجبتكم القصيدة

مع تحيات أخوكم :-

أبو فواز السويلمي

[saudi]

جزله يابو فواز
أحــد ٍ عـلــى جـــاره بـخـتـري ونـــوارو احــدٍ عـلـى جــاره صـفــاتٍ محـيـفـه
خصوصا هالبيت

[الجـمـيـشـي]

مـــشكور أخ أبو فوااز
يعــطيك العــافيه
والحقيقه القصيده جمــيله
والنجدي شاعر فحل رحمه الله
أخوك ,,,, الجـمـيشي

[يوسف السباحيss]

مشكور على القصيد
ويعطيك الف عافيا

[عادل الزناتي]

يعطيــــــك العافيــه ابو فـواز


مشكور وماقصـــــرت


وهذه القصيده نفخــــر بهـــــــا


بالفعــــل شيخـــــــــــــــه


دااااام توااااصلك


بالتوفيق ان شالله

[عايد السويلمي]

أخ الغالي أبو فواز

نقل مميز كتميز حضورك

وكما وصفت هذه القصيده شيخه وبالفعل شيخه

تقتطف لنا من بستان ذائقتك أروع الورود

نترقب جديدك أبو فواز

دمت بتوهجك ؛؛؛

أبوريناد

[نظره ثاقبه]

الـلــي مجالـسـهـم بــهــا بــــن وبــهــار
..........ونـجــر ٍ يـصــوت للـمـسـيـر رجـيـفــه

ومـكـارم ٍ للضـيـف عـجــلات وكـبــار
.........ومـفـطـحـات فــــي صــحــون نـظـيـفـه




صج لسسآنـ .. شـآعـرهـآ ..



ومـآ عليه زوٍد




لاهنت

[فواز الزناتي]

ابو فواز السويلمي


يعطيك الف عافيه

وهالقصيده شيخه

وعز الله إنها شيخة والكل يعترف بهالشي

والشاعر مقحم النجدي - رحمه الله - أشهر من نار على علم

بيض الله وجهك على هالنقل


تحياتي


,

,

,


فواز الزناتي ........................,,