قصيدة مدح بالشيخ عيسى الصقار

[عرعراوي]

هذه ابيات في مدح الشيخ عيسى بن ربيع الصقار الدهمشي الراوي المعروف للشاعر مشعل الجبوري ويقول فيها

سر ياقلم واكتب جديدات الأشعار
ابيات شعر قلتها اليوم بوضوح
نويت انا المسيار يم ابن صقار
عيسى الربيع كان قيل ابو ممدوح
حاش المراجر والفخر سر واجهار
يمشي باعلم الطيب لو كان ملحوح
له مجلس واسع به البن وبهار
لوجه النشاما كل الأوقات مفتوح
ويحفظ روايات كما نبع الأنهار
الا كما قطف النواوير بالسوح
تعيش يااللي تكرم الضيف والجار
وعانيك يشكر منك والبال مشروح
والا الردي مأجيه عاني بمسيار
مذموم لو انه يكوح الذهب كوح
تم الكلام وطيبكم مابه أنكار
وأرجوا عن التقصير تقول
(مســــــــــــــــــــمـــــــــــــــــــوح

[عادل الزناتي]

صح لسان الشاعر


وابو صقار يستاهل المدح


عرعراوي .. تسلم على النقل


دام تواصلك


بالتوفيق ان شالله

[اهل الحرده]

ونعم والله في ابو صقار
يستاهل كل علم طيب

ونعم والله بالجبوري شاعر ومعروف



وتحياتي
اهل الحرده

[عبدالله العياشي]

صح لسانك
وتقبل مروري

[عقيلي المجلاد]

صح لسان الشاعر ولاهنت على هالنقل الرائع والمتميز
قصيده رائعه والممدوح يستاهل المدح ويستاهل كل علم غانم

[منصور الجلعود]

والنعم بالمادح والممدوح


صح لسانك ولسان الشاعر وأستأذنك بنقل القصيدة لقسم الشعر المنقول



,

[مجروح العواطف]

صح لسان كاتبها وناقلها
وعيسى الصقار يستاهل كل خير
واكل يتشرف بمعرفته ونسبه وخوته


تحياتي
عاشق عطايف