فرحان قيران
09-01-2008, 12:45 AM
السلام عليكم
لاحظت ماحدث في منتدى القبيلة خلال الاسبوع الماضي في موضوع اخو جوزا
وماقدمه الاخ سلطان عقيل المجلاد من اعتذار لابناء عمه
نحن كلنا ابناء عم وجزاع اخو سعران
في هذا الشهر المبارك ادعوكم الى قراءة رسالتي وهي موجهه لكل دهمشي
غيور ومحب لقبيلته
سلامي عليكم قبل ما نبدع القيفان
............................. سلام المحب اللي غلاكم يأثربه
انا دهمشي منكم وفيكم وانا فرحان
............................. على نفس ممشاكم ولا يختلف دربه
سلايل محددة الجمل ترثة الشجعان
.............................ولاشذ عن ربعه ولاشذ عن سربه
انا دهمشي وافخربكم والكلام اعلان
.............................اذا كل واحد رد لاصله وفاخربه
واذا جيت للتحديد انا ربعي الحردان
.............................سعوط المجنن ساعة الضيق والكربه
ولاني ضعيف ولا حزامي من الكتان
.............................تزوغ العيون اللي حزامي تناظر به
انا شيوخي المجلاد ماغاب نجم وبان
.............................اذا الدهمشي حربه هم الراس للحربه
على راسهم شيخ القبيله رفيع الشان
.............................عقيل المهنا جعلها ماتقصربه
سليل المكارم مكرم الجار والضيفان
.............................تكسر بنا الهومات قبل تكسربه
وعقب مامضى عندي بضاعه وانا ربحان
.............................ذهب والذهب راع الذهب كيف يخسربه
ابشرح كلام ان زاد والا طلع نقصان
.............................وابا آخذ قلم شعر روي غيض واشربه
انا اقول يا اهل العرف جزاع اخو سعران
.............................تعالوا معي وش بعد هذا ووش قربه
تعزويت بالتركي تعزويت بالراكان
.............................انادي لهم واحبال الايام مكتربه
وش المشكله ياناس يوم انفعل سلطان
.............................وش المشكله فارس جواده تقنطر به
يقوم بعجاج الخيل متسلح شامان
.............................عزيزبقبيلتنا العزيزه ونفخر به
انا اشهد شهادة حق أبو ناصر كحيلان
.............................فرح صدر مضيوم عيونه تبحربه
سليل الشيوخ اللي بها يرجح الميزان
.............................مقامه كبير وساحة الطيب تكبرر به
تحاموا واحذركم من الحاقد الفتان
.............................تراضو مرد الراس والجسم للتربه
عن اهل الردى بأسوارنا صكوا البيبان
.............................شماله جنوبه شرق مبناه مع غربه
ترى فتحة فتحت البيبان تدخل بها الغربان
.............................وابو راس مكشوفه يبي ياكل الضربه
تراضوا ترانا كلنا عايله واخوان
.............................قبيله عزيزة جار وأفعالها ذربه
يقولون بالجمعى سلام وعمار اوطان
.............................وانا اقول فرقانا على ارواحنا غربه
وترى الرحم وصله فرض وصى به القران
.............................وترى قاطع الأرحام دينه يقصر به
بعد يوم يدخل ياجماعه شهر غفران
.............................نصوم ونقوم وبأول العيد نفطر به
هني الحظيظ اللي تعوذ من الشيطان
.............................بشهر مليك الملك يعتق ويغفربه
طلبتك بكل اسماك يارب يارحمان
.............................عسى اهل النمايم بيتنا ماتكاثربه
وبقت كلمه وحده بها بيتي المليان
.............................عسى من قراه يكرره ويتبصربه
اذا قصدكم دنيا ترىمن عليها فان
.............................سوى الله وماقاله لزوم نتدبربه
يبي يعرض المديون بكره على الديان
.............................وهنا وش يفيد العذر للي تعذربه
اخوكم نزيه القصد فرحان بن قيران
.............................عسى الله يعينه دوم والحق يجهر به
لاحظت ماحدث في منتدى القبيلة خلال الاسبوع الماضي في موضوع اخو جوزا
وماقدمه الاخ سلطان عقيل المجلاد من اعتذار لابناء عمه
نحن كلنا ابناء عم وجزاع اخو سعران
في هذا الشهر المبارك ادعوكم الى قراءة رسالتي وهي موجهه لكل دهمشي
غيور ومحب لقبيلته
سلامي عليكم قبل ما نبدع القيفان
............................. سلام المحب اللي غلاكم يأثربه
انا دهمشي منكم وفيكم وانا فرحان
............................. على نفس ممشاكم ولا يختلف دربه
سلايل محددة الجمل ترثة الشجعان
.............................ولاشذ عن ربعه ولاشذ عن سربه
انا دهمشي وافخربكم والكلام اعلان
.............................اذا كل واحد رد لاصله وفاخربه
واذا جيت للتحديد انا ربعي الحردان
.............................سعوط المجنن ساعة الضيق والكربه
ولاني ضعيف ولا حزامي من الكتان
.............................تزوغ العيون اللي حزامي تناظر به
انا شيوخي المجلاد ماغاب نجم وبان
.............................اذا الدهمشي حربه هم الراس للحربه
على راسهم شيخ القبيله رفيع الشان
.............................عقيل المهنا جعلها ماتقصربه
سليل المكارم مكرم الجار والضيفان
.............................تكسر بنا الهومات قبل تكسربه
وعقب مامضى عندي بضاعه وانا ربحان
.............................ذهب والذهب راع الذهب كيف يخسربه
ابشرح كلام ان زاد والا طلع نقصان
.............................وابا آخذ قلم شعر روي غيض واشربه
انا اقول يا اهل العرف جزاع اخو سعران
.............................تعالوا معي وش بعد هذا ووش قربه
تعزويت بالتركي تعزويت بالراكان
.............................انادي لهم واحبال الايام مكتربه
وش المشكله ياناس يوم انفعل سلطان
.............................وش المشكله فارس جواده تقنطر به
يقوم بعجاج الخيل متسلح شامان
.............................عزيزبقبيلتنا العزيزه ونفخر به
انا اشهد شهادة حق أبو ناصر كحيلان
.............................فرح صدر مضيوم عيونه تبحربه
سليل الشيوخ اللي بها يرجح الميزان
.............................مقامه كبير وساحة الطيب تكبرر به
تحاموا واحذركم من الحاقد الفتان
.............................تراضو مرد الراس والجسم للتربه
عن اهل الردى بأسوارنا صكوا البيبان
.............................شماله جنوبه شرق مبناه مع غربه
ترى فتحة فتحت البيبان تدخل بها الغربان
.............................وابو راس مكشوفه يبي ياكل الضربه
تراضوا ترانا كلنا عايله واخوان
.............................قبيله عزيزة جار وأفعالها ذربه
يقولون بالجمعى سلام وعمار اوطان
.............................وانا اقول فرقانا على ارواحنا غربه
وترى الرحم وصله فرض وصى به القران
.............................وترى قاطع الأرحام دينه يقصر به
بعد يوم يدخل ياجماعه شهر غفران
.............................نصوم ونقوم وبأول العيد نفطر به
هني الحظيظ اللي تعوذ من الشيطان
.............................بشهر مليك الملك يعتق ويغفربه
طلبتك بكل اسماك يارب يارحمان
.............................عسى اهل النمايم بيتنا ماتكاثربه
وبقت كلمه وحده بها بيتي المليان
.............................عسى من قراه يكرره ويتبصربه
اذا قصدكم دنيا ترىمن عليها فان
.............................سوى الله وماقاله لزوم نتدبربه
يبي يعرض المديون بكره على الديان
.............................وهنا وش يفيد العذر للي تعذربه
اخوكم نزيه القصد فرحان بن قيران
.............................عسى الله يعينه دوم والحق يجهر به