200 فولت
09-08-2008, 07:11 AM
دمعكم
يا وليفي دمعكـم فـي غيابـي رد لـي
وأدري أن دمعتك خوفٍ علي ومن غلاي
أنت ممرضني وأعرف المرض فيكم وفي
والهبوب البارده منك هبت فـي حشـاي
والله أن كبدي عليكم عراويهـا أضمـي
والمشارب غير هرجتك ماتقطع ضمـاي
كيف تستغرب بطاي ومجيي يـوم أجـي
منك أجيك أبدون راي واروح بدون راي
ليلي أسهر به والا جاء النهار اشلا شوي
مـرتٍ أشـلا ومـرٍ يعاودنـي بــلاي
وأنت سبة كل شـيٍٍٍٍٍٍٍٍٍ ولا داويـت شـي
كيف يا قـادر علـى داي ماتقـدر دواي
بعدما شتتـوا الفكـر وأخليتـوا يـدي
كثرت أعلوم الشماميت وأفرحتوا عـداي
مابعد جاني من يـوم التقوبـي والـدي
ولا بعد مر المحبين من حـواء وجـاي
لوخبر حـي يعـزا علـى فقـدان حـي
كان يمدي من عرفني يشاركنـي عـزاي
عل يسقا يوم كان الهوى ما غيـر غـي
فأول الرحله مثـل مبتـداك و مبتـداي
فز قلبي
مل قلبٍ من هوى الخدرات عيـا
باقيٍ له من هـوى خلـي بقايـا
لا بغيت أسج من سمـح المحيـا
شفت من وصفه على غيره حلايا
فز قلبي وأنتبـه عقـب النسيـا
واندش فكري وجـارن الكوايـا
راح يشرفبي على نـور الثريـا
لين وردني على حوض المنايـا
وان بغيت اجيه وصلـه ماتهيـا
صاروا العربان من دونه حمايـا
ياوليفـي لا تتسويبـي كـذيـا
الخطايا لا تلحقها الخطايالله عنايا
كل شـيٍ اعملـه غيـر الجفيـا
الجفا يزعـل وسيعيـن النهايـا
أنت غالي
ياعيون الي على المرقب تعـلا
مايرب الا المراقيـب الطـوالا
طرتك منها غثا البـال يتجـلا
لعسٍ من بينهـا بيـضٍ تـلالا
تذهل الي في جواهرهـا تحـلا
واهني من ذاق من ريقـك زلالا
لا..وجاه الله ومن زكى وصـلا
ما نبيك الا على السنة حـلالا
مايرد الجوع شخـب فيالمفـلا
ولا يخض السعن من ذودٍ هجالا
أنت غالـي ياحبيبـي لا تغـلا
يثبت اللي بيننـا ايـامٍ طـوالا
والله اني ميسٍ من وصلـك الا
فزعةٍ من ربنـا جـل و تعـالا
أدخل الضولات من شان أتسلا
كود جرح القلب يبرا ويتشـالا
والمجنب مـن الاوادم مايخـلا
لا سلم من شر ذولا جـوه ذولا
عيون الوحش
ويش اسوي ياعيون الوحش عنق الغزال
لا حصل طاريك يفتح على قلبـي ارواق
لي ثلاث اسنين بين الحقيقـه والخيـال
وآخر أشهر ذا السنه تكمل الرابع غلاق
شبه وضحاً في المخاضير زاهيها الحيال
ما من غلاها عند اهلها تبارى ما تساق
تيهة من صغرها بيـن ثنتيـن هجـال
مهتويها راعي البل و عاشقها عشـاق
عندي أنك ماخذٍ تـاج ربـات الجمـال
سلموك الحسن من باب صنعـا للعـراق
خفيات السراير
يا عيون مرقّب فأعلى الجدايـر
في صعانين الطوال المستديـره
صاحبك يعطي على شوفك بشاير
ديرة منتو بها ما هيـب ديـره
من خذا منكم خفيـات السرايـر
والله إن يبطي ولعكم في ضميره
لبةٍ بيـن المعنّـق و الزرايـر
مثل شمس الصبح قدام السفيره
و يتفرشها من الخمري ستايـر
ذيل شقراً شعشعت قدم المغيـره
جوهرة قارون غاليـة التجايـر
أشهد إنك بهجة العمر الكبيـره
واحد حظك مـع حظـه يسايـر
شايفٍ القدر في العشر الأخيـره
جعل أبو من لامني حمر المناير
في محبة واحدٍ ماليـب غيـره
حبك الصافي
الاياعيـون اموحـشٍ مابعـد لـزم
عدا كل صقـارٍ بشبكـه ولا لزمـه
على القلب نارٍ ولعت في قرى حـزم
وحطوا عليها من دقاق الحطب حزمه
يقاويك بن جدلان باصبـر والعـزم
لكن حبك الصافي تغلب على عزمـه
تراني دخيلك يل حبيبي مـن الهـزم
تموت الغزو ولا يقولـون منهزمـه
مشعف غرامك
يالي ليا جيت شيٍ تكمـل اوصافـه
وألي بليـاك مـا تهـواه الاخلاقـي
ترى صوابي لجا وابطيـت بسعافـه
يا منجح الكي لا تلحق على الباقـي
عامين والحال مـن فرقـاك ملافـه
لف أشهب اللال عشبٍ نبته ادقاقـي
كم ليلةٍ من سببـك العيـن ذرافـه
من غيبه الشمس لين الصبح ينساقي
ياعين حرٍعلى العسـرات مشرافـه
عيطٍ لحاليحها تصعب على الراقـي
والعنق عنق ادمي عـاود لميلافـه
متذيرٍعقـب مـروح ريـح تفاقـي
ملك من الجسم غير المتن واردافـه
زاويه خصرٍ عليه الشبـر متلاقـي
لفيتنـي لـف سيـرٍ فـوق حذافـه
وصرفتني من هوا تلعات الاعناقـي
فأدخل على امك وابوك من التزلافـه
تبتنـي بالعـذاب وتقطـع أرزاقـي
البرق لجـا المشعـف زود أشعافـه
وانا مشعف غرامك وانـت براقـي
يارسولي
واتـل قلبـي تـل غـرب ربـع سانيـه
ماعين منه غير العراقـي بـراس ارشـاه
على بو دليقٍ فوق دمـث النحـر كاسيـه
سمار وبياضٍ يشبه النـور مـن منشـاه
اتشعشع اخلـوم البـدر لا فرقـه بيديـه
يشادي الضبـاب الياتعـدا القمـر غطـاه
على عود موز يجري المـا معـا ساقيـه
وزودٍ علـى زمـه نباتـه قـراحٍ مــاه
الا ياعيون الـي كشـف برقعـه راعيـه
يتل السبوق وقام راعـي الولـع يشعـاه
الا يارسولـي بلغـه مـاقـدرت اجـيـه
سلملي عليـه وخـذ سلامـه وعطنيـاه
لا قالـوا تحبـه قلـت ماعادنيـب ابيـه
وانا اشفق له اشفا من سقيم المرض لدواه
اقوي اعزومي كن ما عـاد عنـدي فيـه
وانـا والله انـي مونـسٍ البـلا واكنـاه
عروق الحشا ماتنبـت الا علـى طاريـه
تناما على قربـه وتهجـر علـى فرقـاه
فترى من يعذل مولع مـن هـوى غاليـه
مثل من يحاول يعدل السيل مـن منحـاه
خيار الدهم
كل دارٍ ارجعـت وانـا سنـاوي
عزتي للي سواتـي عزتـي لـه
زادت الحمـى ورحنـا للمـداوي
والمـداوي زود الحمـى مليلـه
ياجميله قام يطوي الحال طـاوي
والله ان كبدي على شوفك غليله
والله ان قلبي على اللاماء شفاوي
مير مافي يدي ولا في يديك حيله
سجليني في علم حبـك فـداوي
انا مجنونك بعد مجنـون ليلـى
يارقبة الخشف يا عين النـداوي
يا سراجيف الذلـول المستحيلـه
يا مناةٍ تنقصر عنهـا المنـاوي
يا خيار الدهم يالقبـا الاصيلـه
نعنبك انتي مكاسر عود جـاوي
ملبسك سندس شرابك سلسبيلـه
لو تمرين الشيوخ اهل الفتـاوي
عودوا مثلي يجـرون الطويلـه
من عشق شرواك والا لا يهاوي
التقيد من بعض الاشيـا فضيلـه
النوامي
شعاني حمام فوق روس النوامي خلج
تغني على روس النعانيع منسجمـه
آلاحيه من فرقاك يابو خـدودٍ بلـج
عسى لايم الميلاف عبرود ابو نجمـه
محبتك حطت في محاني ضلوعي فلج
كما فلج سيل الوادي ضكتـه عجمـه
الضماير
يالج صدري مثل لجة حيـام الطـرش
على عيلمٍ في القيض ميرادهـا فـرزه
على الي غرامه بارشٍ الضماير برش
وحبه بصندوق الضماير طبع حـرزه
حياتي بدونك يا لغضي ماتساوي قرش
تكلم على المكشوف بالنيـة الجـرزه
محبه نظيفين الظماير نظاف الفـرش
ما يحتاج فيهـا لا تخفـي ولا بـرزه
عسى دعوتي يفتح لها الله باب العرش
يعاقب عباد مـا عرفنـا لهـا خـرزه
الأزمات
الشدايد يا جميلـه بالازمـات اختبـار
ينعرف فيها الضلا الطويل من القصيـر
كل ماذكر حالتك بين غار وبيـن نـار
راحت الدنيا بعينـي عبـوسٍ قمطريـر
تحسبن حبك محاه التشـدد والحصـار
التشدد في المحبه هو الشـر الشريـر
شغلهم ضدي وضدك يعمر لـك وقـار
في ضميرٍ ماسكن فيه قدامـك عشيـر
زارعٍ لك بخشةٍ من الزرار الى الـزرار
نبتها ملمسك والعـود الازرق والعبيـر
شد حيلك لا يصيبك فشـل وإلا إنهيـار
لا تصغر قيمتك وانت في عينـي كبيـر
لذة صبار الهوا مثـل لـذة الانتصـار
لا تصدق من يقول الحسد مافيه خيـر
لا تغيرب ماجرا من قنـا مثلـك يغـار
كل شي ينشفا فيـه ميصالـه عسيـر
الذهـب دونـه حراسـه وبيبـاٍ كبـار
والدرر من دونها هيبه البحـر الغزيـر
غير لاتيس و تكتب على نفسـك قـرار
يدفعك سوء التصرف على باس المصير
لولا شحي فيك جيتك أجاهر من نهـار
غير ما يصلح مقـام بـلا راي بصيـر
فرصتي ويقت حرارٍ على ماكـر حـرار
ما يعود فالمحـل الربيـب إلا البعيـر
والله ان اموت ما جاك من عندي بـوار
خل في قلبك ثقه والثقه كنـز الضميـر
خذ كلام اللي يشوفك بعيـن الاعتبـار
واحدٍ مالك بقلبـه ولا عقلـه خشيـر
والمحبه مدرسة شي ثبوت وشي فـرار
وانت درسي مع هل الحب الاول والاخير
يكفيك
في الناس شعثان روس وراسي اشعثها
خصٍ ليا مـن قلبـي عيـن اغلاثـه
عكشٍ لامنه نـوى بالمـوت يبعثهـا
بالجوف كنـه يخجـه سـرب نفاثـه
يالي كسوري مـن اجلـك لا توعثهـا
تـراه ماينـفـع الغـالـي تعبـاثـه
يكفيـك نـارٍ علـى كبـدي مورثهـا
لا اموت يمكن تجـي لعيالـي وراثـه
عن اعتداياتـك الـي كنـت تمكثهـا
وسط الضماير تقول خطـوط حراثـه
مامرني فـي حياتـي مـن كوارثهـا
ما عادلت مـن فراقـك خـوط كراثـه
كم لي وانا ارد نفسـي مـن تعلثهـا
من خوفـةٍ يرخـص الغالـي تعلاثـه
أعيـاد ربـي اثنيـن وانـت ثالثهـا
نهـار افاجيـك كنـي داخـلٍ غاثـه
ــــــــــــــــــــــــــــــــــــــــــــــــــ ـــــــــــــــ
--------------------------------------------------------------------------------
الجــــهــــالــــة
الجهاله في بني آدم توليه الد بــور
لو طريقه غادي يحسبنه متجه
يحسب ان ما مثل شوره مع الاشوار شور
ما يعرف أن له مزاج وللناس أمزجه
يمكن ايلاقي مزاج يبتدله الشعور
وهو على فلم الشطارة وفلم الدبلجه
وآخر المشوار لا حصلت ما في الصدور
كل زور فيه شور لمن ضاق هرجه
يحسب أن معه أفضليه توليه العبور
ان لقا الملح أزعقه وان لقا الحلو أسمجه
القمر والشمس كنها تسلف منه نور
والحبال تصير تحته خيول مسرجه
والسما عجزت تصل له جناحين الطيور
ما وصــــله إلا محمد بلــيله معرجه
يا بنادم يلعــــــــــــن الله مختال فخور
من تواضع تحت ربه يعلـيه درجه
لأجل ما تدخل جهنم على شأن الغرور
للعـرب حاول تواضع وتعطـيهم وجه
من لقا عذب المشارب ومثمرة الزهور
ما قعد يغرف من البحر ويسوق أحدجه
الـطـــــيـــــب
ودّنا بالطيب بس الدهر جحّاد طيب
كل ماتخلص مع الناس كنك تغشهـا
يدك لامدت وفا لاتحرى وش تجيب
كان جاتك سالمه حب يدك وخشهـا
كل ماشـبـيت نار المحّبه مع حبيب
قام يسحب فـي مشاهيبهـا ويرشهـا
كل ماواجهت لك في الزمن وجه غريب
مثل ما قـــال المثل دام تمشي مشها
وذمةٍ ماهيب تندان للحق المصيب
جعل قشاش الحطب لاسَرح يقتشهـا
خـارطة الطـريـق
يا ذا الجلال اللي عروشك فوق وأملاكك حد
ومهماً تسامت به عروشه مستحيـلا يطولها
يا حـي يـا قيّـوم يـا ذا الأنافـــــــة والكبـــر
ما نافسك في عظمتك مكر العبـاد وهولــــها
وما نافسك من عمّر بيوته على سطح القمـر
واللّي ترسي فـوق أقاليـم الميـاه ســـطولهـا
ما انته بحاجة من عبد ولا بحاجة مـن كفر
ولا بحاجــة ثابــت الدنـيـا ولا منقولـهـــا
أنت السميع لمن حمد وانت المزيد لمن شكـر
واللي ما يشكر نعمة المنـــعـم عليـه تزولهـا
يـاذا الجبـروت العظيـم ويـا القديـر المقتــدر
تفزع لنا في معضلات مـا نريـس حلولهـــــا
تلعب بنا خلاّن فرغتنـا كمـا لعـب الكـــــــــور
وأن اقبلت صاحوا لها ان دبّرت صاحوا لهـا
لا هبّنا الطايف بعض الأحيان في فية عصــر
شهب الليالـي مـن ورانـا يسحبـن ذيولهــــا
أنت السلام اللي لك الإسلام وأنت المشمخرر
اللي عجايب قدرتك فـي المعجبيـن ذهولهـــا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـــــا
سلام يا ابوبكر يا عثمان يـا علـي وعمــــر
وسلام يا سبـع الآفـاق أطلالهـا واسفولها
سلام يا صدق النوى سلام يا وسـع الصـدر
سـلام يـا مفتـاح بيبـان الفرح وقفولهـــــا
وسلام يا شمس الضحى تشرق على بر وبحر
وتشرق على كـل الديار جبالها وسهولهـــا
وسلام يا غر السحاب اللـي تبجـح بالمطـر
وشم الجبال اللـي تبجـح بالسحـاب قذولهـا
وسلام يا هوج الرياح اللي عطاهـا مستمـــر
مهما خذوا منها من الحسنـات مـا ردوا لهـا
بوجيهها حق وقدر وقـ ليت الرحاب اللي لنــا
ما تضمحل من الزمان ولا نشـوف سمولهـا
ويا ليتنا لاما سرحنا اليوم الأبيض من فجـــر
تبطي عبات الليل ما تضفـي عليـه سدولهـــا
ولا ليا منهـا ضفـن سدولهـا يطلـع بــــــــــدر
يا صل ضياه اللي على الكوره تطق طبولها
المعتبر يآخذ على الدنيـا دروس مـن العبـر
والناس بكسبها معاملهـا بقـد عـــــقولـهـا
أحيان تصدف لعبة الشاطر مع غلطـة عمـر
مرة.. لكن لا عّدت الغلطة ما عـاد ينولهــــا
حنا عرفنا كلنا ما طـال مـن شـيء قــــــــصر
والأحلام ماتوا قبلنا شرهين ما وصلـوا لهـا
حتى الجمال اللي نحملها الهقاوي بالصبـــر
يالله بحملتهـا تـقـوم وتــدّرج بحـــــــمولهـــا
والحب سيسـان العبـادة والعبـادة بالجهــــر
إن ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر
للـي تحـد سيــوفها واللـي تعـن خيولهـــــا
ولا تفكـر فـي غنـاة ولا تفكـــر فــي فقـــر
وتشفع لبيضان الصدور احضوضها وفعولهـا
أهل التكلـف بالمعرفـة والتصنــــــع بالبشــــــر
والله ما هي حول الصحيح ولا الصحيح بحولها
ما يقّيـــم بو ميــه من بو عشر اللي يفضّــــــل
حتى الفضــــوليـة عن الفاضـل بطـل مفعولها
اللي تخبره لحيــــــــته ذا ..طولهـا يصبـح بـزر
واللي تخبره بزر يصبح تصبح لحيته ذا طولها
القنــــــــاص
ياعنـــا القنـــاص يالصيد المّدسم
ياكتاب الشمس وكتــاب الطلاسم
أمسك أعصابي وإذا شفتك تّبسم
كنك تكويني على الكبد بمياسم
كن بيــاضك مـن حــمارك لاتقّسم
عارض في وجنتك موكب مراسـم
حبكم سيـطر على قلبي ورسّـــم
مثل ماسيطر على بغـــداد قاسم
بهازيج الكلام
لي مدة من بهازيج الكلام معزول
اسمع جهازاتها ومطفّي نورها
وأنا خفوقي ودود ولي مزاج ملول
أحارب انفاقها واعاشر جسورها
أوحيت من ثامر بن قطيم صوت تلول
لايق لمرضيهــــا لايق لجمهورها
كنه يحول على لب المسامع محول
وتلــــــد له لدة الطيح لمقهورها
واسند على كوكب بالشعر يطلل طلول
ســــود الليال يتبدد منــــه ديجورهـــا
عيد السمير المزيني مثل ضرب المثول
ما يستلـــم كل عله كـــود دكتــــورها
وأخذت فنجال كيف مع الفناجيل دول
ضرمت يوم القهاوي دنت نجورها
وشرد القرايح خزايزهن حذور جفول
تسكن مساس الصدور وتدهل اقفورها
يا صاح مهلك ترى ابن آدم ظلوم جهول
حمله رفضته جبال الأرض وبحورها
تجار مصر الكنان من الفلاليح فول
وتجــارة الشام تفاحــــه وبندورها
وتجار بغداد بر في بطــــــون الحقول
وتجارة أهل الحسا تفخر من تمورها
وجميع ما في البسيطة من كيان يزول
والامه أمر الله الغالب عـــلى أمورها
وأكثر عيون العرب من شـارة الحق حول
لو تشرق الشمس من صوبه حجب نورها
والفرق بين العلالي والسهل والسفول
مثل الأصابع بنانيها وخنصــــــــورها
ودي يا ذات اللبيب اليابغيت الوصول
لا تبحث الناس لين تثور شعـــورها
ومن العدود اشرب الصافي وكب الحثول
واسرح وخل السواني في ظهر ثورها
فاح النفل والخزامى بالفلا والميــــول
فأول شطور القصيدة وآخر شطورها
البيوت العصم
زاومنـي الهاجـوس ملعـون أبـو الأهـل
يقـول البـيـوت العـصـم وإياك و إياها
لا عيّنت كلمة قلت يضـرب بهـا المثـل
لقـيـنـا وراهــا كـلـمة كـّنـهــا إيــاهــا
ما تنجح مدارس فلسفـة علـم فـي جهل
والعربان ما كلٍ يقـدر يكسـب رضاهـا
يحاول قـدر الإمكـان يعنـي علـى الأقـل
يدخل في مفاهيم العرب يكسب اصغاها
الفياض الخـضـر
يا زين المشي في االروض الخضر لا شعشع المخضار
يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار
سعادة للقلوب اللي من السلوان مســــرورة
متى عيني تشوف اللي على قلبي ربيع ودار
أشاهد للسعادة في حياة المجتمع صـــــورة
لا هلت مزون فوقهن تنعومتين صغار
على ذيك اللباب اللي من الرضوان مغمورة
لا منه أصحى سماغر المزون وشعشع النوار
ودجاه أدلى سدوله والقمر متجلي نــــــوره
أشاهد لي بروق دونها ربانها تندار
تقول أكباس غاز من ورا شلال نافورة
سبح ماهر خيالي في الخباري والبرد والنار
وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار
على شوفه سبابيح الخيال تموت مقهورة
حرام إني ما أهني راع المليون والمليار
ولا أهني عربسات الفضا دوره ومقدوره
أعيش بعالم طول المدا يبقى لها تذكار
عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار
حقيقة ويتمعنها اللبيب بكامل شعوره
كـرمـت ودمــــت
الا ياالله ياللي تحـت هيبـة سلطنتـك اسلمـت"
"لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"
"تزودني وفا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت"
"يعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت"
"بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت"
"بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت"
"كتبتك وانطوت صحفي عليـك ورفعـت اقلامـي
اباهـي لا ابالـي واتبيسـط كــل ماقـدمـت"
"اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"
"وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"
"عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"
"واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"
"يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت"
"فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت"
"تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت"
"كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت"
"مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت"
"حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت"
"هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت"
"يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت"
"وشفت الفرق في حب الخشوم وحـب الاقدامـي
السيف الشقيـر
الأوله من الأولات عبادة المعبودي
الله اللي يولج لياليــــه في الأيامي
فاح ريح الجاوي من العود والكمبودي
مع ذعاذيع الصبا لا هبـــت الأنسامي
يا قريحة خاطري مع فوح ريـــح العودي
في نحور الطرس الأبيض سجلي ياقلامي
واكتبي سطر سواة اللولو المنضــــودي
وابدعي قاف يغني في اليمن والشامــي
في نبا فيصل ولــد خالد زعيم الجـودي
يا سلام الله على راعي المقام الســامي
يسمو الإبداع في السيد من المسيـــودي
وفي سما الأسياد يوضي كوكب قــدامي
أهل عقال القصب والجوخ والحمــــودي
واهل السيف الشقير مناصر الإســلامي
حبنا آل سعود قاد المجد في ابن سعـودي
وأنت يا هداج تيماء بهجة للضامـــــــــي
جيت أهني جيت أبارك جيت لي مقصـودي
فيك تكبر شرهتي ويحققن أحــــلامـي
جيت أبي منك الفرج يا فزعة المضهودي
و ابني آدم يرمي الأسهام والله الرامي
والختام اسلم عدد ما نسنس النـودي
من هجوس ما تساق إلا على الحكامي
الـثـقـيــل
آه يا قلب ياللـي دايـمٍ فـي ذهـول
والله انـه ثقيـلٍ ليـن جــوه الثـقـال
يا قطـاة العبيّـه يـا هيـام الـذلـول
يـا عيـون النـداوي يـا رقبـة الغـزال
نور وجهك على من شاف منـك القبـول
نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول
انـا قلبـي يحبـك يـا حبيبـي تـعـال
كـان قدّمـي حـدٍ فالحـب راح امهبـول
والله انـه خطيـرٍ لا يجينـي اهـبـال
المحبـه جملـهـا مـرسـلٍ وامعـقـول
لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول
ان حبـك لحـال وحـب غيـرك لحـال
فـاعـل خـيـر
انا ويـن ابلقـا يالاجاويـد فاعـل خيـر
حريـصٍ علـى سـر المحبيـن لرسلتـه
امن اول لو اصبر عام ما بان بـي تأثيـر
وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر
ولف قلبـه افـروخ الشياهين وهبلتـه
تولعت فـي فـرخٍ قضيـبٍ يتـل السيـر
ابي لمحـةٍ مـن نظـرة الحـر وإسبلتـه
صغير بسنه غير عندي ماهوب اصغير
يا مغلاه فـي قلبـي ويـا كبـر منزلتـه
اجمع له سمان الهرج خـوفٍ مـن التقصيـر
والا جيت ابشرح لـه كلامـي تهيزلتـه
يجيني منه هيبة محبـه.. سحـى.. تقديـر
اقابلـه عنـدي علـم واروح مـا قلـتـه
يتبع
يا وليفي دمعكـم فـي غيابـي رد لـي
وأدري أن دمعتك خوفٍ علي ومن غلاي
أنت ممرضني وأعرف المرض فيكم وفي
والهبوب البارده منك هبت فـي حشـاي
والله أن كبدي عليكم عراويهـا أضمـي
والمشارب غير هرجتك ماتقطع ضمـاي
كيف تستغرب بطاي ومجيي يـوم أجـي
منك أجيك أبدون راي واروح بدون راي
ليلي أسهر به والا جاء النهار اشلا شوي
مـرتٍ أشـلا ومـرٍ يعاودنـي بــلاي
وأنت سبة كل شـيٍٍٍٍٍٍٍٍٍ ولا داويـت شـي
كيف يا قـادر علـى داي ماتقـدر دواي
بعدما شتتـوا الفكـر وأخليتـوا يـدي
كثرت أعلوم الشماميت وأفرحتوا عـداي
مابعد جاني من يـوم التقوبـي والـدي
ولا بعد مر المحبين من حـواء وجـاي
لوخبر حـي يعـزا علـى فقـدان حـي
كان يمدي من عرفني يشاركنـي عـزاي
عل يسقا يوم كان الهوى ما غيـر غـي
فأول الرحله مثـل مبتـداك و مبتـداي
فز قلبي
مل قلبٍ من هوى الخدرات عيـا
باقيٍ له من هـوى خلـي بقايـا
لا بغيت أسج من سمـح المحيـا
شفت من وصفه على غيره حلايا
فز قلبي وأنتبـه عقـب النسيـا
واندش فكري وجـارن الكوايـا
راح يشرفبي على نـور الثريـا
لين وردني على حوض المنايـا
وان بغيت اجيه وصلـه ماتهيـا
صاروا العربان من دونه حمايـا
ياوليفـي لا تتسويبـي كـذيـا
الخطايا لا تلحقها الخطايالله عنايا
كل شـيٍ اعملـه غيـر الجفيـا
الجفا يزعـل وسيعيـن النهايـا
أنت غالي
ياعيون الي على المرقب تعـلا
مايرب الا المراقيـب الطـوالا
طرتك منها غثا البـال يتجـلا
لعسٍ من بينهـا بيـضٍ تـلالا
تذهل الي في جواهرهـا تحـلا
واهني من ذاق من ريقـك زلالا
لا..وجاه الله ومن زكى وصـلا
ما نبيك الا على السنة حـلالا
مايرد الجوع شخـب فيالمفـلا
ولا يخض السعن من ذودٍ هجالا
أنت غالـي ياحبيبـي لا تغـلا
يثبت اللي بيننـا ايـامٍ طـوالا
والله اني ميسٍ من وصلـك الا
فزعةٍ من ربنـا جـل و تعـالا
أدخل الضولات من شان أتسلا
كود جرح القلب يبرا ويتشـالا
والمجنب مـن الاوادم مايخـلا
لا سلم من شر ذولا جـوه ذولا
عيون الوحش
ويش اسوي ياعيون الوحش عنق الغزال
لا حصل طاريك يفتح على قلبـي ارواق
لي ثلاث اسنين بين الحقيقـه والخيـال
وآخر أشهر ذا السنه تكمل الرابع غلاق
شبه وضحاً في المخاضير زاهيها الحيال
ما من غلاها عند اهلها تبارى ما تساق
تيهة من صغرها بيـن ثنتيـن هجـال
مهتويها راعي البل و عاشقها عشـاق
عندي أنك ماخذٍ تـاج ربـات الجمـال
سلموك الحسن من باب صنعـا للعـراق
خفيات السراير
يا عيون مرقّب فأعلى الجدايـر
في صعانين الطوال المستديـره
صاحبك يعطي على شوفك بشاير
ديرة منتو بها ما هيـب ديـره
من خذا منكم خفيـات السرايـر
والله إن يبطي ولعكم في ضميره
لبةٍ بيـن المعنّـق و الزرايـر
مثل شمس الصبح قدام السفيره
و يتفرشها من الخمري ستايـر
ذيل شقراً شعشعت قدم المغيـره
جوهرة قارون غاليـة التجايـر
أشهد إنك بهجة العمر الكبيـره
واحد حظك مـع حظـه يسايـر
شايفٍ القدر في العشر الأخيـره
جعل أبو من لامني حمر المناير
في محبة واحدٍ ماليـب غيـره
حبك الصافي
الاياعيـون اموحـشٍ مابعـد لـزم
عدا كل صقـارٍ بشبكـه ولا لزمـه
على القلب نارٍ ولعت في قرى حـزم
وحطوا عليها من دقاق الحطب حزمه
يقاويك بن جدلان باصبـر والعـزم
لكن حبك الصافي تغلب على عزمـه
تراني دخيلك يل حبيبي مـن الهـزم
تموت الغزو ولا يقولـون منهزمـه
مشعف غرامك
يالي ليا جيت شيٍ تكمـل اوصافـه
وألي بليـاك مـا تهـواه الاخلاقـي
ترى صوابي لجا وابطيـت بسعافـه
يا منجح الكي لا تلحق على الباقـي
عامين والحال مـن فرقـاك ملافـه
لف أشهب اللال عشبٍ نبته ادقاقـي
كم ليلةٍ من سببـك العيـن ذرافـه
من غيبه الشمس لين الصبح ينساقي
ياعين حرٍعلى العسـرات مشرافـه
عيطٍ لحاليحها تصعب على الراقـي
والعنق عنق ادمي عـاود لميلافـه
متذيرٍعقـب مـروح ريـح تفاقـي
ملك من الجسم غير المتن واردافـه
زاويه خصرٍ عليه الشبـر متلاقـي
لفيتنـي لـف سيـرٍ فـوق حذافـه
وصرفتني من هوا تلعات الاعناقـي
فأدخل على امك وابوك من التزلافـه
تبتنـي بالعـذاب وتقطـع أرزاقـي
البرق لجـا المشعـف زود أشعافـه
وانا مشعف غرامك وانـت براقـي
يارسولي
واتـل قلبـي تـل غـرب ربـع سانيـه
ماعين منه غير العراقـي بـراس ارشـاه
على بو دليقٍ فوق دمـث النحـر كاسيـه
سمار وبياضٍ يشبه النـور مـن منشـاه
اتشعشع اخلـوم البـدر لا فرقـه بيديـه
يشادي الضبـاب الياتعـدا القمـر غطـاه
على عود موز يجري المـا معـا ساقيـه
وزودٍ علـى زمـه نباتـه قـراحٍ مــاه
الا ياعيون الـي كشـف برقعـه راعيـه
يتل السبوق وقام راعـي الولـع يشعـاه
الا يارسولـي بلغـه مـاقـدرت اجـيـه
سلملي عليـه وخـذ سلامـه وعطنيـاه
لا قالـوا تحبـه قلـت ماعادنيـب ابيـه
وانا اشفق له اشفا من سقيم المرض لدواه
اقوي اعزومي كن ما عـاد عنـدي فيـه
وانـا والله انـي مونـسٍ البـلا واكنـاه
عروق الحشا ماتنبـت الا علـى طاريـه
تناما على قربـه وتهجـر علـى فرقـاه
فترى من يعذل مولع مـن هـوى غاليـه
مثل من يحاول يعدل السيل مـن منحـاه
خيار الدهم
كل دارٍ ارجعـت وانـا سنـاوي
عزتي للي سواتـي عزتـي لـه
زادت الحمـى ورحنـا للمـداوي
والمـداوي زود الحمـى مليلـه
ياجميله قام يطوي الحال طـاوي
والله ان كبدي على شوفك غليله
والله ان قلبي على اللاماء شفاوي
مير مافي يدي ولا في يديك حيله
سجليني في علم حبـك فـداوي
انا مجنونك بعد مجنـون ليلـى
يارقبة الخشف يا عين النـداوي
يا سراجيف الذلـول المستحيلـه
يا مناةٍ تنقصر عنهـا المنـاوي
يا خيار الدهم يالقبـا الاصيلـه
نعنبك انتي مكاسر عود جـاوي
ملبسك سندس شرابك سلسبيلـه
لو تمرين الشيوخ اهل الفتـاوي
عودوا مثلي يجـرون الطويلـه
من عشق شرواك والا لا يهاوي
التقيد من بعض الاشيـا فضيلـه
النوامي
شعاني حمام فوق روس النوامي خلج
تغني على روس النعانيع منسجمـه
آلاحيه من فرقاك يابو خـدودٍ بلـج
عسى لايم الميلاف عبرود ابو نجمـه
محبتك حطت في محاني ضلوعي فلج
كما فلج سيل الوادي ضكتـه عجمـه
الضماير
يالج صدري مثل لجة حيـام الطـرش
على عيلمٍ في القيض ميرادهـا فـرزه
على الي غرامه بارشٍ الضماير برش
وحبه بصندوق الضماير طبع حـرزه
حياتي بدونك يا لغضي ماتساوي قرش
تكلم على المكشوف بالنيـة الجـرزه
محبه نظيفين الظماير نظاف الفـرش
ما يحتاج فيهـا لا تخفـي ولا بـرزه
عسى دعوتي يفتح لها الله باب العرش
يعاقب عباد مـا عرفنـا لهـا خـرزه
الأزمات
الشدايد يا جميلـه بالازمـات اختبـار
ينعرف فيها الضلا الطويل من القصيـر
كل ماذكر حالتك بين غار وبيـن نـار
راحت الدنيا بعينـي عبـوسٍ قمطريـر
تحسبن حبك محاه التشـدد والحصـار
التشدد في المحبه هو الشـر الشريـر
شغلهم ضدي وضدك يعمر لـك وقـار
في ضميرٍ ماسكن فيه قدامـك عشيـر
زارعٍ لك بخشةٍ من الزرار الى الـزرار
نبتها ملمسك والعـود الازرق والعبيـر
شد حيلك لا يصيبك فشـل وإلا إنهيـار
لا تصغر قيمتك وانت في عينـي كبيـر
لذة صبار الهوا مثـل لـذة الانتصـار
لا تصدق من يقول الحسد مافيه خيـر
لا تغيرب ماجرا من قنـا مثلـك يغـار
كل شي ينشفا فيـه ميصالـه عسيـر
الذهـب دونـه حراسـه وبيبـاٍ كبـار
والدرر من دونها هيبه البحـر الغزيـر
غير لاتيس و تكتب على نفسـك قـرار
يدفعك سوء التصرف على باس المصير
لولا شحي فيك جيتك أجاهر من نهـار
غير ما يصلح مقـام بـلا راي بصيـر
فرصتي ويقت حرارٍ على ماكـر حـرار
ما يعود فالمحـل الربيـب إلا البعيـر
والله ان اموت ما جاك من عندي بـوار
خل في قلبك ثقه والثقه كنـز الضميـر
خذ كلام اللي يشوفك بعيـن الاعتبـار
واحدٍ مالك بقلبـه ولا عقلـه خشيـر
والمحبه مدرسة شي ثبوت وشي فـرار
وانت درسي مع هل الحب الاول والاخير
يكفيك
في الناس شعثان روس وراسي اشعثها
خصٍ ليا مـن قلبـي عيـن اغلاثـه
عكشٍ لامنه نـوى بالمـوت يبعثهـا
بالجوف كنـه يخجـه سـرب نفاثـه
يالي كسوري مـن اجلـك لا توعثهـا
تـراه ماينـفـع الغـالـي تعبـاثـه
يكفيـك نـارٍ علـى كبـدي مورثهـا
لا اموت يمكن تجـي لعيالـي وراثـه
عن اعتداياتـك الـي كنـت تمكثهـا
وسط الضماير تقول خطـوط حراثـه
مامرني فـي حياتـي مـن كوارثهـا
ما عادلت مـن فراقـك خـوط كراثـه
كم لي وانا ارد نفسـي مـن تعلثهـا
من خوفـةٍ يرخـص الغالـي تعلاثـه
أعيـاد ربـي اثنيـن وانـت ثالثهـا
نهـار افاجيـك كنـي داخـلٍ غاثـه
ــــــــــــــــــــــــــــــــــــــــــــــــــ ـــــــــــــــ
--------------------------------------------------------------------------------
الجــــهــــالــــة
الجهاله في بني آدم توليه الد بــور
لو طريقه غادي يحسبنه متجه
يحسب ان ما مثل شوره مع الاشوار شور
ما يعرف أن له مزاج وللناس أمزجه
يمكن ايلاقي مزاج يبتدله الشعور
وهو على فلم الشطارة وفلم الدبلجه
وآخر المشوار لا حصلت ما في الصدور
كل زور فيه شور لمن ضاق هرجه
يحسب أن معه أفضليه توليه العبور
ان لقا الملح أزعقه وان لقا الحلو أسمجه
القمر والشمس كنها تسلف منه نور
والحبال تصير تحته خيول مسرجه
والسما عجزت تصل له جناحين الطيور
ما وصــــله إلا محمد بلــيله معرجه
يا بنادم يلعــــــــــــن الله مختال فخور
من تواضع تحت ربه يعلـيه درجه
لأجل ما تدخل جهنم على شأن الغرور
للعـرب حاول تواضع وتعطـيهم وجه
من لقا عذب المشارب ومثمرة الزهور
ما قعد يغرف من البحر ويسوق أحدجه
الـطـــــيـــــب
ودّنا بالطيب بس الدهر جحّاد طيب
كل ماتخلص مع الناس كنك تغشهـا
يدك لامدت وفا لاتحرى وش تجيب
كان جاتك سالمه حب يدك وخشهـا
كل ماشـبـيت نار المحّبه مع حبيب
قام يسحب فـي مشاهيبهـا ويرشهـا
كل ماواجهت لك في الزمن وجه غريب
مثل ما قـــال المثل دام تمشي مشها
وذمةٍ ماهيب تندان للحق المصيب
جعل قشاش الحطب لاسَرح يقتشهـا
خـارطة الطـريـق
يا ذا الجلال اللي عروشك فوق وأملاكك حد
ومهماً تسامت به عروشه مستحيـلا يطولها
يا حـي يـا قيّـوم يـا ذا الأنافـــــــة والكبـــر
ما نافسك في عظمتك مكر العبـاد وهولــــها
وما نافسك من عمّر بيوته على سطح القمـر
واللّي ترسي فـوق أقاليـم الميـاه ســـطولهـا
ما انته بحاجة من عبد ولا بحاجة مـن كفر
ولا بحاجــة ثابــت الدنـيـا ولا منقولـهـــا
أنت السميع لمن حمد وانت المزيد لمن شكـر
واللي ما يشكر نعمة المنـــعـم عليـه تزولهـا
يـاذا الجبـروت العظيـم ويـا القديـر المقتــدر
تفزع لنا في معضلات مـا نريـس حلولهـــــا
تلعب بنا خلاّن فرغتنـا كمـا لعـب الكـــــــــور
وأن اقبلت صاحوا لها ان دبّرت صاحوا لهـا
لا هبّنا الطايف بعض الأحيان في فية عصــر
شهب الليالـي مـن ورانـا يسحبـن ذيولهــــا
أنت السلام اللي لك الإسلام وأنت المشمخرر
اللي عجايب قدرتك فـي المعجبيـن ذهولهـــا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـــــا
سلام يا ابوبكر يا عثمان يـا علـي وعمــــر
وسلام يا سبـع الآفـاق أطلالهـا واسفولها
سلام يا صدق النوى سلام يا وسـع الصـدر
سـلام يـا مفتـاح بيبـان الفرح وقفولهـــــا
وسلام يا شمس الضحى تشرق على بر وبحر
وتشرق على كـل الديار جبالها وسهولهـــا
وسلام يا غر السحاب اللـي تبجـح بالمطـر
وشم الجبال اللـي تبجـح بالسحـاب قذولهـا
وسلام يا هوج الرياح اللي عطاهـا مستمـــر
مهما خذوا منها من الحسنـات مـا ردوا لهـا
بوجيهها حق وقدر وقـ ليت الرحاب اللي لنــا
ما تضمحل من الزمان ولا نشـوف سمولهـا
ويا ليتنا لاما سرحنا اليوم الأبيض من فجـــر
تبطي عبات الليل ما تضفـي عليـه سدولهـــا
ولا ليا منهـا ضفـن سدولهـا يطلـع بــــــــــدر
يا صل ضياه اللي على الكوره تطق طبولها
المعتبر يآخذ على الدنيـا دروس مـن العبـر
والناس بكسبها معاملهـا بقـد عـــــقولـهـا
أحيان تصدف لعبة الشاطر مع غلطـة عمـر
مرة.. لكن لا عّدت الغلطة ما عـاد ينولهــــا
حنا عرفنا كلنا ما طـال مـن شـيء قــــــــصر
والأحلام ماتوا قبلنا شرهين ما وصلـوا لهـا
حتى الجمال اللي نحملها الهقاوي بالصبـــر
يالله بحملتهـا تـقـوم وتــدّرج بحـــــــمولهـــا
والحب سيسـان العبـادة والعبـادة بالجهــــر
إن ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر
للـي تحـد سيــوفها واللـي تعـن خيولهـــــا
ولا تفكـر فـي غنـاة ولا تفكـــر فــي فقـــر
وتشفع لبيضان الصدور احضوضها وفعولهـا
أهل التكلـف بالمعرفـة والتصنــــــع بالبشــــــر
والله ما هي حول الصحيح ولا الصحيح بحولها
ما يقّيـــم بو ميــه من بو عشر اللي يفضّــــــل
حتى الفضــــوليـة عن الفاضـل بطـل مفعولها
اللي تخبره لحيــــــــته ذا ..طولهـا يصبـح بـزر
واللي تخبره بزر يصبح تصبح لحيته ذا طولها
القنــــــــاص
ياعنـــا القنـــاص يالصيد المّدسم
ياكتاب الشمس وكتــاب الطلاسم
أمسك أعصابي وإذا شفتك تّبسم
كنك تكويني على الكبد بمياسم
كن بيــاضك مـن حــمارك لاتقّسم
عارض في وجنتك موكب مراسـم
حبكم سيـطر على قلبي ورسّـــم
مثل ماسيطر على بغـــداد قاسم
بهازيج الكلام
لي مدة من بهازيج الكلام معزول
اسمع جهازاتها ومطفّي نورها
وأنا خفوقي ودود ولي مزاج ملول
أحارب انفاقها واعاشر جسورها
أوحيت من ثامر بن قطيم صوت تلول
لايق لمرضيهــــا لايق لجمهورها
كنه يحول على لب المسامع محول
وتلــــــد له لدة الطيح لمقهورها
واسند على كوكب بالشعر يطلل طلول
ســــود الليال يتبدد منــــه ديجورهـــا
عيد السمير المزيني مثل ضرب المثول
ما يستلـــم كل عله كـــود دكتــــورها
وأخذت فنجال كيف مع الفناجيل دول
ضرمت يوم القهاوي دنت نجورها
وشرد القرايح خزايزهن حذور جفول
تسكن مساس الصدور وتدهل اقفورها
يا صاح مهلك ترى ابن آدم ظلوم جهول
حمله رفضته جبال الأرض وبحورها
تجار مصر الكنان من الفلاليح فول
وتجــارة الشام تفاحــــه وبندورها
وتجار بغداد بر في بطــــــون الحقول
وتجارة أهل الحسا تفخر من تمورها
وجميع ما في البسيطة من كيان يزول
والامه أمر الله الغالب عـــلى أمورها
وأكثر عيون العرب من شـارة الحق حول
لو تشرق الشمس من صوبه حجب نورها
والفرق بين العلالي والسهل والسفول
مثل الأصابع بنانيها وخنصــــــــورها
ودي يا ذات اللبيب اليابغيت الوصول
لا تبحث الناس لين تثور شعـــورها
ومن العدود اشرب الصافي وكب الحثول
واسرح وخل السواني في ظهر ثورها
فاح النفل والخزامى بالفلا والميــــول
فأول شطور القصيدة وآخر شطورها
البيوت العصم
زاومنـي الهاجـوس ملعـون أبـو الأهـل
يقـول البـيـوت العـصـم وإياك و إياها
لا عيّنت كلمة قلت يضـرب بهـا المثـل
لقـيـنـا وراهــا كـلـمة كـّنـهــا إيــاهــا
ما تنجح مدارس فلسفـة علـم فـي جهل
والعربان ما كلٍ يقـدر يكسـب رضاهـا
يحاول قـدر الإمكـان يعنـي علـى الأقـل
يدخل في مفاهيم العرب يكسب اصغاها
الفياض الخـضـر
يا زين المشي في االروض الخضر لا شعشع المخضار
يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار
سعادة للقلوب اللي من السلوان مســــرورة
متى عيني تشوف اللي على قلبي ربيع ودار
أشاهد للسعادة في حياة المجتمع صـــــورة
لا هلت مزون فوقهن تنعومتين صغار
على ذيك اللباب اللي من الرضوان مغمورة
لا منه أصحى سماغر المزون وشعشع النوار
ودجاه أدلى سدوله والقمر متجلي نــــــوره
أشاهد لي بروق دونها ربانها تندار
تقول أكباس غاز من ورا شلال نافورة
سبح ماهر خيالي في الخباري والبرد والنار
وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار
على شوفه سبابيح الخيال تموت مقهورة
حرام إني ما أهني راع المليون والمليار
ولا أهني عربسات الفضا دوره ومقدوره
أعيش بعالم طول المدا يبقى لها تذكار
عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار
حقيقة ويتمعنها اللبيب بكامل شعوره
كـرمـت ودمــــت
الا ياالله ياللي تحـت هيبـة سلطنتـك اسلمـت"
"لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"
"تزودني وفا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت"
"يعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت"
"بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت"
"بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت"
"كتبتك وانطوت صحفي عليـك ورفعـت اقلامـي
اباهـي لا ابالـي واتبيسـط كــل ماقـدمـت"
"اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"
"وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"
"عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"
"واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"
"يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت"
"فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت"
"تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت"
"كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت"
"مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت"
"حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت"
"هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت"
"يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت"
"وشفت الفرق في حب الخشوم وحـب الاقدامـي
السيف الشقيـر
الأوله من الأولات عبادة المعبودي
الله اللي يولج لياليــــه في الأيامي
فاح ريح الجاوي من العود والكمبودي
مع ذعاذيع الصبا لا هبـــت الأنسامي
يا قريحة خاطري مع فوح ريـــح العودي
في نحور الطرس الأبيض سجلي ياقلامي
واكتبي سطر سواة اللولو المنضــــودي
وابدعي قاف يغني في اليمن والشامــي
في نبا فيصل ولــد خالد زعيم الجـودي
يا سلام الله على راعي المقام الســامي
يسمو الإبداع في السيد من المسيـــودي
وفي سما الأسياد يوضي كوكب قــدامي
أهل عقال القصب والجوخ والحمــــودي
واهل السيف الشقير مناصر الإســلامي
حبنا آل سعود قاد المجد في ابن سعـودي
وأنت يا هداج تيماء بهجة للضامـــــــــي
جيت أهني جيت أبارك جيت لي مقصـودي
فيك تكبر شرهتي ويحققن أحــــلامـي
جيت أبي منك الفرج يا فزعة المضهودي
و ابني آدم يرمي الأسهام والله الرامي
والختام اسلم عدد ما نسنس النـودي
من هجوس ما تساق إلا على الحكامي
الـثـقـيــل
آه يا قلب ياللـي دايـمٍ فـي ذهـول
والله انـه ثقيـلٍ ليـن جــوه الثـقـال
يا قطـاة العبيّـه يـا هيـام الـذلـول
يـا عيـون النـداوي يـا رقبـة الغـزال
نور وجهك على من شاف منـك القبـول
نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول
انـا قلبـي يحبـك يـا حبيبـي تـعـال
كـان قدّمـي حـدٍ فالحـب راح امهبـول
والله انـه خطيـرٍ لا يجينـي اهـبـال
المحبـه جملـهـا مـرسـلٍ وامعـقـول
لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول
ان حبـك لحـال وحـب غيـرك لحـال
فـاعـل خـيـر
انا ويـن ابلقـا يالاجاويـد فاعـل خيـر
حريـصٍ علـى سـر المحبيـن لرسلتـه
امن اول لو اصبر عام ما بان بـي تأثيـر
وهالحين حتى صبر يوميـن مـا احتلتـه
انـا مثـل صقـارٍ تولّـع بحـب الطيـر
ولف قلبـه افـروخ الشياهين وهبلتـه
تولعت فـي فـرخٍ قضيـبٍ يتـل السيـر
ابي لمحـةٍ مـن نظـرة الحـر وإسبلتـه
صغير بسنه غير عندي ماهوب اصغير
يا مغلاه فـي قلبـي ويـا كبـر منزلتـه
اجمع له سمان الهرج خـوفٍ مـن التقصيـر
والا جيت ابشرح لـه كلامـي تهيزلتـه
يجيني منه هيبة محبـه.. سحـى.. تقديـر
اقابلـه عنـدي علـم واروح مـا قلـتـه
يتبع