قصيده الشاعر شاهر العنزي في برنامج قلطه الوطن

[الحزن الاكيد]

من ابداع الشاعر شاهر العنزي (( في قلطه الوطن ))

انا سعودي والملك عبدالله
سلام تسليم الوفا للحاضر
واللي ورا الشاشه علينا يناظر
تحية تهدى لكم من شاهر
وانا سعودي والملك عبدالله
الله يبيض وجه من صوت لي
يوم انها بين نقض وفتلي
على النقا مافيه شي ختلي
وانا سعودي والملك عبدالله
اخص جمهور شعوره حيه
اللي يصوت بالمواقف ليه
وهذي عوايد صادقين النيه
وانا سعودي والملك عبدالله
واخص ربعي طيبين الفالي
عيال وايل محتمين التالي
اللي من اجلي يرخصون الغالي
وانا سعودي والملك عبدالله
ولاهي غريبه وقفة الويلاني
افعالهم تدري بها العرباني
علم الوفا دايم لهم عنواني
وانا سعودي والملك عبدالله
قبيلة فعل الوفا يزهاها
ولا يقرب بالزمان نحماها
تاريخها معروف من مبداها
وانا سعوادي والملك عبدالله
ماقول علم ماعليه اثباتي
الفرس تعرفنا زمان فاتي
والحرب دايم تخلف الهقواتي
وانا سعودي والملك عبدالله
في معركة ذي قار كم شتتنا
حنا فزعنا واثمرت فزعتنا
(قمنا ودحينا وجت دحتنا)
وانا سعودي والملك عبدالله
ومنا طلع حكام في كم دوله
هذي حقيقه للعرب منقوله
وانا ماجيب اللي ماهي معقوله
وانا سعودي والملك عبدالله
اقولها والله بقصدي عالم
من دون تقصير في حق العال
انا اعترف بالحق ماني ظالم
وانا سعودي والملك عبدالله
وسيف عنزه شارك بشعر القلطه
يوم اكثر العرب مختلطه
ماهو بفنه مارجت له سلطه
وانا سعودي والملك عبدالله
بذلت جهدي يا عصابة راسي
ياكاسبين الطيب والنوماسي
واللي بقا توفيق رب الراسي
وانا سعودي والملك عبدالله
وانا وسعيد اخوان ميه ميه
البيرق اما له والا ليه
اهم شي بلادنا سعوديه
وانا سعودي والملك عبدالله


وان شاءالله تكون اعجبتكم واكون عند حسن الظن

[مشاري الفويزي]

قصيده رائعه وبيــّـض الله وجه شاهر العنزي وماقصر

يعطيك العافية اخوى على النقل الرائع

تحيــ لك ـــاتي ,,

[الحزن الاكيد]

اعذروني على الاخطاء اللي باالقصيده لان القصيده منقوله من منتدى ثاني وفيها اخطاء ماانتبهت لهن