سجل دخولك ببيت شعر

[مشعل الجميشي]

الســلام عليــكم ورحمــة الله وبـركاته

صبحكم ـ مساكم الله بالخير جميعا

مـوضوع عجبــني وحبــــــيـــت انقــله هنــــــــا

وهــو مفهــوم من عنـــــــوانه
كــل واحــــــد يــدخل يســجل دخــوله ببـــــيت أو بيتيـــــــن شعــــــــر سـواء لـك او لغيــرك

أتمنــــــى تعجبـــــــكم الفكـــــرهـ

وهـا انا بـــدأت





ياما كتمت الحزن وأخفيت منطــــوق
وسالت دموع العين واستـفـضحــــني

ياما بنيت أحلام والفكر مســـــروق
وياما أحلامي بالهوى حــــــــــطمني

[سكروووب]

يا دوب اناظـر للمسـافيه يا دوب .... ما حرّكـوا شعره ولا ضـاق ثوبي
أسخف من الصوره على جنب (سن توب) .... واكذب من العفّه على خصر روبي
شاعر .. بعد كاتب وناقد وموهوب .... واكبر ذنوبي ( الصـدق ) اكبر ذنـوبي
تليّموا وش عاد ! لو صرتوا قروب .... انا لحـالي بس ... عن ألف لوبي

:)

من شعري الغزير

هههههههه

[][ آلقآسمي ][]

][ صح لسآنك أبو آلسكآريب ][ ؛؛ إتسوهم بسكآريبك بس ][






][ تقول نوره ][ ..



][من رآح من كيفه وكيفه يوديه . خله علىآ كيفه وكيفه يجيبه][







][ << ][ أأششكرك موضوع جدآ رآئع ومميز ][

[سعوط المجانين]

السلام عليكم

وهذي اول مشاركة لي في المنتدى

ويقول الشاعر فايز الزناتي


يحرم علي معاشر البيض والكــيف
......................... ان ماجرحتك جرح حزن ونكاده
اسمع قبل لا اروح ..وآصد.. وآعيف
......................... نصيحت(ن) في بيت فيه استـفاده
الـجرح لاضـمدته بــدون تنــظــيف
......................... مــاراح يبــرى لو تبدل ضــماده

[ثامر الخديّر]

صقور صيد وصيدنا كله صقور= يازين صيدات الصقور .. المغيره

(مطلق النومسي)

[سكروووب]

يالدهمشي ضاقت علي الوسيعة ،،،،، مليت حقد الناس والحقد قتّال
شف حملوني فوق ما أستطيعه ،،،، وما عاد أشوف الا عواذل وحسّاد

[مشعل الجميشي]

أشكركم لكم تفاعلكم جميعا :)
دمتم مبدعين




يازين وينـك سـود الهـم دنيـاي=وين انت قلي يـا كثيـر القطاعـة
تضحك لي الدنيا إذا صرت ويـاي=وتعبس بوجهي لو تغيبيـن ساعـة

[رفيد الدهمشي]

نجد شامت لأبوتركي وأخذها شيخنا

واخمرت عشاقها عقب لطم خشومها

[مـتغـطـرسے]

تمنيت ارحل لعالم عليه الفاتحه تقرا...
ورفض موتي يواجهني بوجه القادم المخفي...
ياترى شفتو جسد ميت ورفض يستقبله قبره...
انا هذي معاناتي واظن اللي مضى يكفي..!

[فايز الزناتي]

مسااااااااااااااااكم الله بالخير

وشكرا يامشعل على هالموضوع الجميل

حبيت اشارك ببيتين من حدى قصايدي
.........................................

ملطوم من ناوي لنا الشر ملطوم **..** راح بفشــيله مابعدها فشيـــله

حنا كسرنا الفـرس تأديب للـروم **..** برماح لا لا والسيوف الصقيله

[بدر المطوطح]

الدحه وربعي كما الصقور النوادر وحنا داخل نجد عن نجد ما نقدر نغادر

[راعي العشوا]

السلام عليكم اخواني يالربع ابيلي بيت قصيد للشاعر الكبير خلف المحدى
واللي عنده ابيات اتمنى انه ينشرها لنا هذا ولكم خالص الشكر....

اخوكم:

راعي العشوا

[عبدالله الحجيلان]

تبيني اصبر عن غيابك اذا غبت ////// عطني مثل قلبك واسوي سواتك


عبدالله الحجيلان

[جمال اللميع]

هذه بيتين من احدى قصائدي....




دنياك ياغافل تراها تقاليـب=لابد مايومن تجي فوق راسك
تفنى ويبقى مافعلته من الطيب=وإلا يذمك كل ربعك وناسك

[سحاب]

سحاب انا من بدة الناس مغليك ,,, أغلى علي ّ من الهوى في حياتي
سحاب سميتك على غيث واليك ,,, ياغيث قلبي فرحتي يانجاتي


تقبلوا مروري ..

[نظره ثاقبه]

يــــآلـسعود ويـــآلـصـبـآحي لآ إنتخيت




عــزوتـك عـنـآز راعين ـآلـطآيـــلآتـ

[][ آلقآسمي ][]

][ آلغرب يصنع طآيرآت وصوآريخ .. وآلشرق آلآوسط ضآع نفطه بلآشي ][



حطولهم في صفحة آلعلم تآريخ .. وحنآ بمآضينآ نعيد آلنقآشي ][

[رمسني بحنان]

ياروعة الضمه على صدر مشتاق
مع واحدآ دايم تمنى تضمه لاترجمت صدره تعابير الاشواق ومن الغلا تشده عليك وتلمه

[عادل الزناتي]

لاهنت يامشعـل على هالموضوع

اشكرك كل الشكـــــــــــــــــر

بيتين لي اتمنى ان تحوز على رضاكـــم


اللـــي يقــول النوووم سلطـــان يسمـــــــع
.............. زفراااات آآآه بــ ليل ٍ يبــل الاهــــداب

والله لــيبصـم بالاصابــــع ويقنـــــــــــــع
.............. ان السهــر سلطـــان لعيــون الاحبـاب

[مشعل الجميشي]

أسعدني تفاعلكم جميعا :)










انقهرت ورحت بالخ ـطوه وراي
يوم شفته من بعيد يكلمك
والله ان لولا العقل توه مع ـاي
كات اعرف اع ـلمه واع ـلمك

[ضاوي]

الله يعطيك الف عافيـه ..

أخويُ على الفكره ..

يا فاتنـة .مطلـق .. ولا عليـك أمـر ... تقرّبي .. وأدني مـن العـذق خـرزه

أبا أنظمك مسباح .. من عذق التمـر .. صعبة أنا أدري بس أبا أصنع معجزه

يا معجزة عمري .. وتبسيطـك عمـر .. أستبسطه .. وأعيش به .. وأستعجزه

لقيت بك بيض .. المراويـح السمـر .. وفقدت بك .. فوح السمـوم المفـرزه


مطلق النومسيُ

[فواز الزناتي]

سكّرت إذاني عن مطافيق الرجال
,,,,,,,,,,,,,,,,,,,,,, واخذت هقوة من هقابي محزمي
وشوله آنزّل على الجاهل عقال
,,,,,,,,,,,,,,,,,,,,, وماني وكيل آدم على كل آدمي

,

,

,

فواز الزناتي ....................,,

[أحمد بن صالح الدهمشي]

هذي بيتين للاخ سكروب

ياخوي لا ضاقت وساع الفيافي***** تعال في قلبي هنا واسكن اشوي
وابشر بعزك والرخى والعوافي ***** ما دمت بالدنيا وصوتي بها حي





اخوك الشاعر : أحمد بن صالح الدهمشي

[اباالروس الطوطحي]

مشكوررررررر علي الموضوع
قالو عجوز وقلت انا فالكم شين
الخمس والعشرين قيمت سنينه
وجدي عليها وجد راعي بعارين
ممسي خلاوي والسرق حايفينه
لشاعر الراحل جديع الخمشي
الله يرحمه

[مشعل الجميشي]

عفا الله عن خطا غدر الخناجر والضلوع ابطال
باسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى مافيه احد يصبر مثل صبري iiبغربالك



حامد زيد

[فهدبن رابع]

الملك فيصل بن عبدالعزيز
رحمة الله

الا يامل قلب كل ماجا الليل جاه خلاج ....
يلوج ويجتلد بالصدر والعربان ممسيني

أنا متحير مدري عن المدخـال والمخراج ......
ألا واعمس رايي مالقيت اللي يقديني

الا يامجيب دعوة من تـصافق فوقه الامواج .....
أنا بحماك ياوالي الخلايق لاتخلينـــــــي

الا ياوجد روحي وجد من خلــوه بالمسهاج ......
كسير الساق بنحور المعادين المغليني

إلا من دك هوجاسي ولو انــي على ديباج ......
ولو جالي جميع البيض غيره مايسليني

الا واهني مخلوق يفرج ضيقتـــــــــه لاداج ......
إلا منه دخل بالسوق غاد له ميادينــــــــي

ترى بعض العرب عمله بروحه مثل عمل سراج ......
يضوي للعرب والنار في جوف المسيكيني

[قرناس]

حبيت اشارك بالموضوع ببيتين



ماباقين له عندي كود تذكار = الصوره اللي جت منه هديه
ومن كثر مظهرها بها مخوش واغبار = ومن الزمن قامت تغير عليه

[نظره ثاقبه]

ليتك قبل لا تموت بصدرك أطعنك .. وأصييح بعآلي الصوت حقي أخذته





:)

[فواز الزناتي]

آطا على خشم الشعر كاني أيقنت
,,,,,,,,,,,,,,,,,,,,,,,,,, إنه يسبب لي ردى في حياتي


,

,

,


فواز الزناتي .......................,,

[-omar-]

أنا اعشقـك حتـى الثمالـه وأستحالـه أرتويـك
شفني تجرعتـك غـلا وأكـره معـاك الإمتنـاع
عرفت انا كيف ابتدي بك .. بس معـرف أنتهيـك
بعدك سقـوط لحبّـي وقربـك سيـاده وارتفـاع
وأرجع أقول الدمـع ماهـو علـة ٍ فـي مقلتيـك
الدمع هو جرح الشعور بقلـب حسّـاس الطبـاع
عرفت ليش أبتّقي شـرّك وانـا محسـن إليـك ؟
لنّي إنتشلتك من ضياع .. وطحت في نفس الضياع


شاعرنا المبدع : فــواز الــزنــاتـــي




اخوك

-omar-

[عبدالله الدهمشي]

ياخوي مايشكي من الوقت رجال ***** انا اعرف رجال شكى الوقت منها

[دانة الشمال]

ليت الليالي علمتني بالأقدار00وليت القدر يرحم بحالي وحالك

[مشعل الجميشي]

غريـــب وكل من حولي بني ادم .. محد فيهم قدر في لحظه يقراني
اسولف وابتسم واضحك وانا اتألم.. واجامل والاسى يطحن بوجداني
اشوف العمر يطويني ولا يرحم ...واشوف الحظ يتباهي بخذاني

[برق الدهامشه]

شلون ابكتب وانا كلي هموم
حتى النفس بين الناس ضايعه
بخاطري اسعد النفس والقوم
لكن ضعت وسرحت بالدنيا الشاسعه

[مشعل الجميشي]

هيضتني للشعر يابادع القـاف
واشجيتني بالحيل خوفك من الله

وهقتني حسب العوايد والاعراف
حيث ان قصدي أول الامر طلّه

[عبدالـرحمن العيـاشي]

اخـــو العـــزيز مشعل الدهمشي صح السانك

وفكره جميله


مســـتريح البال ياعيني عليـــه ......
مايشيل الهم ولاعنه دراء.....

يبتـــسم للناس وهذا مايبيــــه.......

ويشتري بسمـــات خلق الله شــراء.....

[مشعل الجميشي]

هي شمسنا اللي في جبينك تلاجا ،،، والا قمــرنا اللي فـقـدنـاه من أمــس
ليل السـما برد وسحاب وعجاجا ،،، يامن يشب النور في الخاطر العمس

[مشعل الجميشي]

تصدق ليلة البارح أنا مدري وش إللـي صـار
ترى مافي يـدي حيلـة جنونـي مـا توقعتـه
.
.


أنا جيت أعترف وإسمع قبل ما توصلك الأخبار
خبر عاجل : خطا مني ترى قلبك أنا خنتـه !!
.
.


حبيبي لا تلبسني مـن اثـواب النـدم والعـار
أنا أكثـر منـك اتألـم بقلـبٍ إنـت أهملتـه

[الجـمـيـشـي]

من زود حبك قمت ألبس الثوب مقلوب ........وأنشد عن الغتره وهي فوق راسي

[مشعل الجميشي]

قالت متى يجي باكر قلت يالروح
ليه انشغل مابين باكر وروحي

احسن لي اكتم سر قلبي ولاابوح
احسن لي الكتمان من سر بوحي

اصبر على غيظي لو كنت مجروح
الصبر كم ضمد عواظم جروحي

[احساس قلبي]

،
،
،

لا بارك الله في صديق تزعله كلمه عتاب ،، ولا بارك الله برجال تفرقهم مره


،
،
،
تقبل مرووري / احساس قلبي

[فهدبن رابع]

ياسيدي ما أنت على الوصل مجبور ولا ني على طرد المقفين ضاري

[مشعل الجميشي]

جروح السنين ماطابت عظيمة كيف أداويها
حفرها البعد في قلبي وعيا الوقت يبريها

[فواز الزناتي]

سكررر زيادة منت سكرررر زياااااااااادة
,,,,,,,,,,,,,,,,,,,,,,,,, أنت الحلاااااا مخلوووق سكّررررر بسكررررررر




,

,

,


فواز الزناتي ........................,,

[سكروووب]

فز الخفوق وقلت تكفى تلايص :) :) :) :) ما باقي إلا انت تصبح هواوي




حطمت خفوقك ياسكرووب


:)

[فواز الزناتي]

الليل هذا غيرررر ,, والناس ذي غيررررر
,,,,,,,,,,,,,,,,,,,,,,,,,, ويوم إلتفت إلا واناااااااااااااااا وسط عرعررررررر


,

,

,

[فواز الزناتي]

إن كان جتك الطعنه بظهرك ,, فلا تنظر وراااااااك
,,,,,,,,,,,,,,,,,,,,,,,,,,,,,,, نصيحة ٍ مني وخذها ,, يوم نوّخت جملي

لأنه دليل إنك أمام ,, الي طعن حرمة قفاااااااااك
,,,,,,,,,,,,,,,,,,,,,,,,,,,,,, وأكل لحمك النيّ ,, وأقفى فمه من لحمك ملي


,

,

,

[مشعل الجميشي]

أنا ربتني الدنيا على جـزل العطـا والجـود
ونفسي للوفا والطيب وفعـل الخيـر جزّامـه
وأعارض منهج الهابط وأوافق للصعود صعود
وأسيّر نفسي بعقلي مادام النفـس هدامـه

[فهدبن رابع]

وش فيك دايم تعصر القلب وتله اخاف يوم يجي ماعاد تلقاني

[فواز الزناتي]

صحيح (عرعر) غير ,, لكن مهي غيــــــر
,,,,,,,,,,,,,,,,,,,,,,, عند المطااااار (ودبلة التسبد) منــّـــه


,

,

,

[فواز الزناتي]

تدري بإنك في غيابك هنيّااا !!!
,,,,,,,,,,,,,,,, بين الضلوع ,, وقلب يشكي فراااااااااقيك


,

,

,

[فواز الزناتي]

سوري

فراااااااااااااقك


<<------ ماله خلق يعدل

[جمال اللميع]

مافيه شئ ٍ مستحيــــــــــــــــــــــل بهالزمن =لكنّ في اشيا كثـــــــــــيرة مستحيل
.
.
.
.
.
.
.
.

[فواز الزناتي]

ترى عجايب هالزمن زادوا اثنين ؟!!!
,,,,,,,,,,,,,,,,,,, قلبي ,, ووجهك ببابتسامتك دااااااايم



,

,

,

[جمال اللميع]

.
.
.

احبك صادق بــــحبي ولكن الزمن جساس =طعن ظهري وانا وايل لكنّ الجرح عزيــــــــته
.
.
.
.

[-omar-]

ياللي.. تعيب الناس .. أركد .. ودوبك
..........................................دوبك .. ترى .. منتب ..نقي ٍ من العيـب
قبل تعيب الناس .. طالع عيـــوبــــك
........................................و..اطلب صلاح العيب من عـالـم الـــغيــب



( سليمان العتيبي )

[مشعل الجميشي]

ياليتني ماقلت لك حيل مشتـاق

ماكان تكسر خاطري بالتجافـي

انا خفوقي يحمل الشوق حراق

وانت برود الثلج ماهو بخافـي

ابشرك انه رحل كنـي بسبـاق

كنت احسبك مثلي واثاريك غافي

[فواز العمار]

كان الرجا في شوفتك يوم فرقاك
....... الله يجيب موادعك لأجل أشوفك

[مشعل الجميشي]

ما هي غريبه إذا في خاطرك تجرح
قلبي تَعَـوَّد على النسيان وجراحه


سوَّدت وجه الغلا / ويحق لك تفرح
والراحه والله أبشرك ضاعت الراحه


ملِّيت أجْمَعْ طموحي وحضرتك تطرح
والقلب يسأل : دخيلك , وينْ مفتاحه ؟

[جمال اللميع]

ياليت لو بعض القوافي سواليف =وياليت لو بعض السوالف قوافي
احدن قصيدة يشرح الصدر والكيف=واحدن قصيده مثل هي السوافي
واحدن قصيدة لامع ٍ كنه السيف =واحدن قصيده لو يمرك عوافي

[مشعل الجميشي]

حان الفراق وحان توديع الاحباب &&& ياشين تفريق الجسد عن خفوقه

انا اشهد انه ماحسب لاجلي حساب & وعن تركتي ماهنا مشاعر تعوقه

[مشعل الجميشي]

لاصار نك الغلا ماهو على النت
ينعاف نت ٍ دون شوفـه ولقيـاه


يفداه كل النت رجـل مـع بنـت
وتفداه روحي والمخاليـق تفـداه

[الجـمـيـشـي]

يا صاحبي في خاطري اسألك شي؟..شي(ن) معكر كل صافي حياتي
ان كنت انا مدري بغلاتي وانا حي؟..وش مكسبي كانك حزنت بوفاتي!

[alsqaer]

مساء الخير
الحقيقة اني مبطي عنكم
(صاير قطوع) العذر والسموحه

مواضيعك يامشعل

دائماً مميزه دمت بود

خيلاً مع الشقراء وشقراء مع الخيل
منين ماهب الهواء جايزله
بعض العرب ماينعطا وجه بالحيل
واذا عطيته وجه جالك كله

[فواز الزناتي]

مبطي مضرّااا يا علوم اللواااااااااااته
,,,,,,,,,,,,,,,, والطاولة تقلب على كل لووووووتي

كان الحلا ما تستسيغه لهااااااااااته
,,,,,,,,,,,,,,, قلّــه يجي وآذوّقــه عنزروووووتي

ركّدت طيبي مير (خبلاااان) شاااااااته
,,,,,,,,,,,,,,, مغرر ٍ به قيل يشبه لــ (توووووتي)

ما يدري إن فعل (المولّد) سواااااااته
,,,,,,,,,,,,,,, لا جرجره (ياسر) وخلاّاااه (جوووووتي)

العام (ودّ) العلم ,, واليوم (هااااااااااته)
,,,,,,,,,,,,,,, يالي علومك وصّلت حد (بوووووتي)

ماهي بصعبة لا نويت لشنااااااااته
,,,,,,,,,,,,,, لكن حراااام لشكله يضيع قووووووتي

لأنه بيبلش لين حزّة وفااااااااااااته
,,,,,,,,,,,,,, ويقول يا ربّي تعجّل بمووووووتي

يا رحمة الله والبقا في مماااااااااته
,,,,,,,,,,,,, لا جيته معتوش وأغطيه كووووووتي

أهون عليه إنه يفارق حيااااااااااته
,,,,,,,,,,,,, دامه مبين إيدي يشبه (ريموووووتي)

هذي جزاة الي يسوّي شراااااااااااته
,,,,,,,,,,,,, وخصوص لا جيته مطوّل سكوووووتي

عشان يتوّب عن علوم اللواااااااااته
,,,,,,,,,,,,, ويدري بأني (معضلة) كل لووووتي



هههههههههههه كيبوردية مدري منين جت


تحياتي


,

,

,

[فواز الزناتي]

يكفيني إني أكتب الشعر باحساس
,,,,,,,,,,,,,, وإن ما طلع باحساس مالله موووووزي

,

,

,

[اخو بطحا]

اشكرك يا مشعل على هالفكره الطيبه

واتمنى ان تعجبكم هذه الأبيات

وهي للشاعر الحر الأشقر

حنى هلا الحردا ذرا كل مضيوم**لامالت الدنيا وشانت بدينا

نشري المنايا دايمٍ نفرق السوم**حنى لسنام المجد حنى رقينا

حنى الاسود الضاريا نسل شغموم**حنى على كسب النفايل ضرينا


وسلامتكم

تقبل تحياتي وسلامي

اخو بطحا

[مشعل الجميشي]

يا صاحبي طالت علي المسافة ،،، كل مانشدتك قلت لي الدرب قدام

وعدك مثل باكر أحبه وأخافه ،،، ولاينقضي باكر على طول الايام

[ENGMEM]

توديع الاحباب مثل الموت له سكره *** ادمى جروحي وشق الصدر منيااا

والقلب طير وضـلوع الادمي وكره *** لا شــاقه الطلع لاسلم ولاحـيااا

مصير الاحـزان تنساني وتفتكره *** ما كل الايام بيض وسمـحة محيااا

[مطلق بن نايف أبو ظهير]

جميل ومميز ماقرأته هنا ...

اسمحوا لي بمشاركة متواضعة ...

ماتلتفت تسرق نظرها سراقة

................................ هذي وهي ماتلتفت تلوي رقاب

وشلون أجل لو تلتفت وبرواقه

................................ المذهله بعيونها تسلب ألباب

خصر(ن) اليا منه تثنى برشاقه

................................ ضاعت عيون اللي بها زادو اعجاب

التوت منها يستمد لمذاقه

.............................. والرمش لامنه رمى بذمتي صاب

والسموحة لأني على استعجال ارتجلت هالابيات ...

للجميع أرق التحايا والتقدير ....

أخوكم أبو عبداللطيف

[عادل الزناتي]

الله الله عليك يابو عبد اللطيف

رااااااااااائع كما عهدناك



ابيات قمه في الروعه والسلاسه


صـــــــــح لساااانك


بانتظار المزيد


بالتوفيق ان شالله

[فواز الزناتي]

الشعر (لمحة نور) في عتمة الليل
,,,,,,,,,,,,,,,,, إليا زهمته يضوي الليل نوره


,

,

,

[جمال اللميع]

يقول عبدالله بن زويبن الحربي :




خلك شمالي عند زلّة قرايبك.................................
.............................وعلى الحقوق ليا نصك حجازي

[سحاب]

يعاقبني زماااني يوم صدري بالعناا ما ضاااق
أشيل الحمل ما تعبت من الوعرااات رجليني ...

أعرف انه قدر عمري واعرف ان الزمن سرّاااق
وهذاا ماكتبه الله .. وانا المكتووب يرضيني ...!

[عادل الزناتي]

الفجـر لحظاتــــه هدوء وسكينـــــــه
00000000000 لا عطـّـرت اجواااءه الللللللله اكبـــر

دقايقـــه قـلــّــــه ولكـن ثمينـــــــــه
00000000000 افضل ختـــام لـْـمن مع الليل يسهـــر

[جمال اللميع]

يقول حبيب العازمي بيت جميل :





يالادمي لو في يومين مت وحييت .................................
.................................جبهتك فوق الثرى للــــه تضر بّها

[تنـآل]

ياناشد عن واحد بالقلب منزاله
لو زال ما بالبال ذاك الوجه مازال

ياساكن بأماكن في قلبي لحاله
عسى عسى صبح ومساء فرحان ياغالي

خلي جميل ومستحيل أدور بداله
سمح لطيف أعدم وصيف بكل الأجيال

[النمري]

العمر وليا وانا اشوف =سنين مضات وسنين مقبليتي

من حولي الدنيا تطوف =لين مع المفسد ولا محسن صلاتي

[امير بكلمـــــــــــــتي]

يفور الدم وعروق الجسد خرسا
وانا ماضاق صدري من جراحاتي

[راعي الحميا]

ويلاه من قلــــــــــبٍ جمع كل الاحزان ////// صار الحزن مرســوم في وسط عيني

شئ جرالــــي ماجرى يوم لا نـــسان ////// وكل الهموم وضـيقة الصـــدر فيــني

[فواز السلطاني]

جيوش افكاري لاهلت تجيني ارتال تجر ارتال000000000000اصفصفها واسلحها على طرقي وتلحيني صدوف الوقت تلعبي على نبرة هل اليومال0000000000000وانا خلي على كيفه عقب البعد ياتيني دقايق ليلة المسرا اقرب مالها زلزال000000000000000000سموم القيض ماورث سوا موت البساتيني تعبت اطرب لابو نوره واردد عقبه الموال 0000000000000واغني ليلة الفرقا انا وخلي وتناسيني (فواز السلطاني

[فواز السلطاني]

جيوش افكاري لاهلت تجيني ارتال تجر ارتال000000000000اصفصفها واسلحها على طرقي وتلحيني صدوف الوقت تلعبي على نبرة هل اليومال0000000000000وانا خلي على كيفه عقب البعد ياتيني دقايق ليلة المسرا اقرب مالها زلزال000000000000000000سموم القيض ماورث سوا موت البساتيني تعبت اطرب لابو نوره واردد عقبه الموال 0000000000000واغني ليلة الفرقا انا وخلي وتناسيني (فواز السلطاني

[نايف شاعرنزف]

ماهمنـــــــــي من شــاف ضيقـــي ولا أهتـــــــــــم

يهمنــــــــي من شــاف ضيقي وفـزع لــــي

[الشييهان]

اهلا هلا ومسهلا عد الغضى ونجوم ليل ماتنام=ومصدارنا طيب علا طيب البخور لياهوينا تسهلا