هب الهوى

[محمدناوي الرميح]

هب الهوى وألتف ثوبه على السـاق=وإلتـف قلبـي مثـل مالتـف ثوبـه
عز الله إني عقـب شوفتـه منعـاق=وقلبي عقـب لفـوه معهـم غدوبـه
مـن عقبهـم والعقـل والله مافـاق=رايح مع الهوجـاس نوبـه ونوبـه
في حب غرو(ن) غرته شمس الإشراق=والا قمـر عشريـن ساعـة غروبـه
والعين فيها سهوم ترمـي للاعمـاق=فيها سحر هـاروت يجذبـك صوبـه
راعي ثمان(ن) حرقت قلبـي إحـراق=وامبيسم(ن)فيهـا الحـلا والعذوبـه
راع أشقر(ن) من فوق الامتان منساق=مكنـون ماجـاه الشعـث والرطوبـه
كنه سبيب الخيل فـي ليلـة إسبـاق=أصايل(ن) عنـد السبـاق امحسوبـه
ياعنق ضبي(ن) مرتعه ليـن الاوراق=جازي من الماء والندى هـو شروبـه
ونحر عفر في عقد الالماس هـو لاق=ونهد(ن) صغير زاميـا تحـت روبـه
هافي حشى في مشيته ليـن وارفـاق=عـز الله ان القلـب معهـم غدوبـه