مجوعه قصايد واتمنى تنال لكم

[فلاح الحبلاني]

ابنسحب
ابنسحب وانا امسحك من حياتي
مليت حب فيه مثلك وشرواك
بنساك وانسى ايامنا الماضياتي
وعساك تبقى بنار الاشواق تصلاك
مثلك حرام اتذكره في مباتي
ماعاد قلبي مستهيم بطرياك
سليت عنك ولا تناسيت ذاتي
لو قلت ابي قربك تناسيت فرقاك
مركب رسول الحب في صمتي فاتي
من قال لي شفنا حبيبك وشفناك
مع رحله اهل الياس ضاعت سواتي
عن ملمس الورد بقيت المس اشواك






صرخه ندم
مابقى من ذكراك غير الندم
مابقى غير اهات وادموع
جسر المحبه بيننا انهدم
وقلبي ماعاد لك خضوع
كنت اتصور ان الحياه بدونك عدم
وانتي اللي فيها النور والشموع
وقلبي ماطلبتى منه شي الا وابتسم
وكان منغش في حبك ومخدوع
وفي النهايه اسمعيها صرخــه ندم
من شخص كان طول عمره لك سموع
انتي ظالمه واكبر ظلم
وانتي شلال بحره مقطوع





شمعه حياتي
يانور عيني ليش عني تخفيت
وين الوفا والحب يانور عيني
غيرت عاداتك وعني تخليت
وخليت قلبي من فراقك حزيني
اشفق لشوفك كل مااصبحت وامسيت
وافرح اذا مريت لو ماتجيني
عزالله انك غالي لو تغليت
ماينمحي حبك يكثر السنيني
حبك بقلبي ياحبيبي بنا بيت
متى على الله ياحبيبي تجيني



حبك خيانه
يابنت انا ماني مثل ماتظنين
اللي تهينه ويرضى بالاهانه
انا عزيز من رجال العزيزين
بيني وبينك ما تطيح الميانه
تايه عجب وارمي قلوب المحبين
لابد ماتلقين عاشق زمانه
الي يعدل غترته بالدكاكين
صاحب فلانه بنت عمت فلانه
انا حفظت الوجه عن موقف شين
صفه عن اسباب المذمه خيانه
واشلون امنك وانتي لبيتك تخونين
وانا اعتبر تصديق حبك خيانه






اهلك السبب
لا والذي سواك ماكان ودي
ابعد ولكن الناس الي يريدون
حطو شروط قصدهم به تحدي
وهم بحالي اكثر الناس يدرون
عجزت اطول اللي يبون بيدي
ولا انفذ اللي هم يقولون
ياليتهم يوم ينكروني لوحدي
شافو دموع الحزن لجلك يهلون
ياليتهم يدرون وش صار عندي
يوم قطعو القلب به الوصل مرهون
هم ابعدوني عنك والقرب قصدي
هم احرموني منك والقلب محزون
حاولت منهم اعرف اسباب صدي
لا كنهم اقفوا قبل لايردون
اعاهدك ما انساك لو طال صدي
حتى يصير الجسم بالقبر مدفون




حلم الليال
جتني في حلم الليل تمشي وتختال
تبقى نجوم الليل تمحي اثرها
وتذكرت نفسي هواها والاطلال
وايام راحت عايش انتظرها
واصبحت بين الحقيقه والامال
وجهي ضحك وهمومي حالي قهرها
ياليت حلم الليل يصدق بالاحوال
ويجيب لروحي غرام اسرها
الصبح من عينه خذ النور واختال
والصبح بان وغاب عني خبرها
ياحسرتي هذا الزمان غربل الحال
وعزاي منها ما بقى الا صورها







ياغايبه عني


ياوش بقى ماعطيتك مني ولا جاك
ماباقي الا روحي احيا بها لك
اوصف جمالك كل من شب واهواك
وازين ايامي بجلست خيالك
يالغايب الحاضر بقلبي ولا القاك
اقترب من عروقي وصعب منالك
شالك زماني عن عيوني ووداك
لاشك وقفك بضلوعي وحبالك
ياحاجب شمس وي ليل جفواك
ما بالعهد لك قاسي في دلالك
وش غيرك يامنوت القلب واطلاك
على حبيب ماتخير بدالك
دنياي ماتصلح بلا شمس دنياك
والليل يوحش لوتغيب هلالك
ما ينقطع ضما الهوى الا على ماك
ولا يهون حره الا ضلالك
ولاتشوف العين زين بلياك
ولايطرب سمعي الا مجالك
ما انتفض قلبي من الحب لولاك
ولولاك ماتعب قلبي من بعادك






تكفين روحي
قصيده عذبه نتكلم عن ياس الحبيب وطلبه للمحب بالذهاب عنه رغم محبته
له بسبب ما يعانيه معه من جراح


ارجوك خليني مع الهم والنوح
ةانتي مع النسيان تكفين روحي
ياللي جرحتني وانا منك مذبوح
خلاص روحي واتركيني بنوحي
مليت حب عشت انا فيه مجروح
وانتي خذلتيني وقتلتي طموحي
اول احبك ياهوى البال والروح
واعطيك من عمري ولاني شحوحي
واليوم انا من سبه الحب مطروح
وانتي سبايب علتي مع جروحي
والا انا مالي من الحب مصلوح
ولاكن افكر يوم سري يبوحي
يابنت خليني مع الحزن والنوح
وارجوك للنسيان تكفين روحي





فلاح عشوي العنزي