الله يرحم والديكم ساعدوني ضاع اصلي

[ستار]

:(انا عنزي من العلي كان عند وحده من قرايبنا مايثبت اصلنا وجدودنا لاكن الحريم ماهب حق اوراق وغيره ضاعت)))) جدي مات وابوي صغير وابو جدي مات ابوه وهو صغير والي نعرفه انه حنا ننتمي لواحد من اثنين اتركوا قبيلتهم من زمان زمان وقبيلتهم ارسلت من يبحث عنهم وجاو اسئلو عنا وتم تصريفهم من ناس هداهم الله يكرهون الوالدوماعرفنا انهم جاو يبحثون عنا الا بعد ما راحو***** دخيل والديكم اذا احد يعرف قصة عن هذول الشخصين يفيدني

[بدر العرافه الدهمشي]

يالغالي خلك من سالفة انه ضاع اصلك الاصل مايضيع واذا كنت تقصد انه اخر اسمك العلي او مدري ايش ببطاقة الاحوال فليس معناه انه ضاع اصلك واللحين تعديل الاسم واضافة القبيله ماهو ذاك الاجراءات الصعبه اذا كان لكم عيال عم او عمام ابوك او عمام جدك ضايفين القبيله بمجررد شاهدين وختم شيخ القبيله ويتم
التعديل اما اذا كنت تقصد ضاع اصلك مو بس مجرد بطاقة احوال انه صرتم بين العالم معروفين بانكم من عائله حضريه وليس بانكم عنوز فالله يعينكم وتلاقون الشخصين باذن الله

[ابوبرجس الدهمشي]

المكان المناسب
ننتظر الجواب الشافي

[ستار]

المساله اكبر من كذا اضافة نسبنا تعتمد على معرفة ذا الشخصين لان العنوز واقفين معانا وخاصه مجلاد
ولو بقينا نلفقها اتلفقت بس نبي اهلنا بس نبي نعرف قصة ذا الرجالين الي اتركوا اربوعهم وليه اتركوهم وضيعوناوالي جاء سئل عنهم ودورهم اكيد عنده خبر

[بدر العرافه الدهمشي]

الحل المناسب انك ترجع لمكان انتساب جدك او ابو جدك القريه او المدينه اللي عاش فيها وتسال لابد انك تحصل هناك احد كبار السن يفيدك بكل المعلومات اللي يعرفها او سمعها من ابائه
والله يوفقكم يارب

[ستار]

شكرا لك ياخوي بنتظر كلام الاخوان واذ مابه خبر الله يكون في عونا

[احمد هاني القحص]

عسي الله يحقق مرادك

وكل دعواتنا اليكم

[ممدوح الدهمشي]

الله يعينك على البحث بما انت مهتم به.ابداء بتلك الجماعة التي حجبت اقاربكم من الوصول اليكم ثم بمن صاهركم لعلك تصل الى بداية المشوار. واذا لم تصل الى نتيجة فليست نهاية الدنيا, يكفي الاحساس بالعروبة لسانا وانتماء وهذا حال كثير من عرب اليوم

[فزاااع]

إبحث زين .............................................زين اذا كنت صادق تلقى من يدلك من الشيبان الكبار بعرعر والرياض والكويت ؟ اما اذا كنت (........) عاد هذي مشكلتك عطني 200000000 واعطيك بطاقتي

[العزوف]

العلي
من الوجه
هل هم عنوز دهامشه
بحسب ما قريت من كتاب ابن عبار

[ابووائل العتيقي الجميشي]

طيب اخوي انت من اي مدينة اوقرية بالسعودية وابشر باللي ينقش لك الاخبار نقش

[ياعذابي]

ابشر بلى يسالك ودنا ببعض المعلومات عن اسمك بالكامل واسال عن بالقريه الى جدك فيها عن الشيبان الى معاصرين جدك يمكن توصل لخبر يوصلن لاصلك

[سلمان الودينه]

:(انا عنزي من العلي كان عند وحده من قرايبنا مايثبت اصلنا وجدودنا لاكن الحريم ماهب حق اوراق وغيره ضاعت)))) جدي مات وابوي صغير وابو جدي مات ابوه وهو صغير والي نعرفه انه حنا ننتمي لواحد من اثنين اتركوا قبيلتهم من زمان زمان وقبيلتهم ارسلت من يبحث عنهم وجاو اسئلو عنا وتم تصريفهم من ناس هداهم الله يكرهون الوالدوماعرفنا انهم جاو يبحثون عنا الا بعد ما راحو***** دخيل والديكم اذا احد يعرف قصة عن هذول الشخصين يفيدني

والله هذا أغرب سؤال أقرأه والغرابه ما هي في نوعية السؤال الغرابه كل الغرابه تكمن في طريقة طرح السؤال ألا تلاحظ أنك أصلا لم تذكر أسمك ولا أسم أبو وأسم جدك والعائلة المتحضرة التي تنتمي لها الآن. كيف تطمع في المساعده وأنت ما أدليت بأية معلومة تفيدنا وتقودنا إلى حل أو على الأقل إلى طرف خيط .
حاول أن تدلي لنا بأكبر كم من المعلومات حتى يساهم الجميع بالتصول إلى حقيقة نسبكم.

ومن الجدير بالذكر هنا أن أحد الأخوان (بدر العرافة) أقترح عليك سؤال أهل البلد اللي خرج منه أسلافكم وهذا مهم وضروري جدا ، وكذلك أقترح أحد الأخوة(ممدوح الدهمشي) إلتماس نسبكم من خلال أصهاركم وكل ذلك معتبر في طرق البحث.

الله يوفقك وتبشرنا بالعلم اللي يبرّك كبدك

[سليمان المقيرش]

السلام عليكم ورحمة الله وبركاته
مرحبا
يسلم لسانك اخوي بدر
وعلى الموضوع ترى شيخ الفخذ ابخص بالنسب وانحدارة ومكانه علما بان الشيوخ الثانية وانت قلت بن مجلاد يبخص الامور ويساعدك وترا برجس بن ضبيان له جهود مشكورة من هلامور وانا مطلع عليها حاول توصلهم ومايذخرون ربوعنا
وبالتوفيق
اخوك سليمان المقيرش
ابو عقاب

[الخيال]

إبحث زين .............................................زين اذا كنت صادق تلقى من يدلك من الشيبان الكبار بعرعر والرياض والكويت ؟ اما اذا كنت (........) عاد هذي مشكلتك عطني 200000000 واعطيك بطاقتي










افاء ويش ذالفزعة ميتين الف يا ضالم تبيع بطاقتك وتسمي نفسك فزااااع

روح يا شيخ منك لله هههههههههههههههههههههههههههههههه

[المـ بـرنـس ـجلاد]

الله يوفقك

[الـغـريـب]

انا نفسي اعرف منو هالرجالين الى تقول عنهم تراهم هم الى عفسوكم

انت من( ولد على ) (والا من العلى ) > من الدهامشـه لأن ولد على فخذ كبيـر بعيد عن الدهامشـه ارجو التوضيح للفائده

[بنت وايل]

ايشبك انت ؟
الاصل مايضيع :mad:
وولد الحمايل يبقى ولد الحمايل << وش غيرتي يعني ؟:o

[العزوف]

العلي من الوجه