افيدوني جزاكم الله خير

[عوض الذايدى]

بسم الله الرحمن الرحيم
اخواني بودي ان اعرف موضوع قصيدة (غانم اللميع الدهمشي ) ومتي قيلت هذه القصيدة
وهــــــــــــي
يادار يـا دار الخطـا منـك شلنـا
نرجع عليك ليا حصل نوفـي الديـن
يـادار لـو إنـك بغيتـي بدلـنـا
حنـا نعيـي لـو بغـــيتـي تبيعيـن

[فهد الذايدي]

اسعد الله اوقاتك اخي عوض الذايدي ..


حببت ان اضيف النقاط على الحروف لديك ان كنت تريد الافاده ..


موضوع قصيدة شاعر العمارات / غانم اللميع


كان للأمير / محمد الأحمد السديري مكانه في قلوب ابناء الدهامشه ..

ولقد قال الشاعر غانم اللميع في الامير ..


حرٍ من الجوبـة شلـع راح تغريـب=ياسيف وش هي رمعتـه ياظنينـي
انك تعرف الراي ذيـبٍ ولـد ذيـب=مـن روس ربـعٍ يذهبـون الكميـنِ
على ظهور الخيل وساع المضاريـب=الا عِـدى بهـم ولأهـم المعتديـنِ
الشام جـاه ولا بـه شـكٍ او ريـب=ومنّـه جبـل لبنـان حطـه يميـنِ


والشاعر غانم اللميع يترقب وصول السديري بشوق و يسأل بجاد مستفسرا هل سأل عامل اللاسلكي ابوصابر عن موعد وصول الأمير محمد السديري

يابجاد ما جيت (ابوصابر ) = انـه لبرقيـتـه خـابـر
تـراه يـدري بالاقبـالـه
حر تحـرك مـن الجوبـه =الى الفى الناس فرحو بـه
واللي مغلـى بـه افعالـه



وقال غانم يمتدح الأمير محمد الأحمد السديري بقصيدة عنوانها


(اكبرعنيد للرجال العوانيد )

تقول مطلعها ..
قال الفراوي كلمـة لـه شواهيـد = محلاك ياخطـو الحكـاه الوكيـده
الا ضاق صدرك سج يم الأجاويد = يروح همه ما بقـى لـه شريـده


وعندما نزل الشيخ محمد بن تركي المجلاد (سعران ) العويقيلة وحصلت مشكلة في ذلك الوقت كان للأمير محمد بن الأحمد السديري دور بارز في إعادة الحقوق لأهلها وقد إمتدحه غانم اللميع في قصيدة طويلة نذكر منها


أمدح الشيـخ نـزال العويقيلـة = والسديري عريب الجد ما طاعـي
يوم جانا العميري من رجاجيلـه = فوق خمس ملقط طفح الاكواعـي



وعندما نقل الأمير محمد الأحمد السديري إلى جيزان قال غانم

اليوم اشوف القصـر ماهـو بمفتـوح = وش عاد ابـي فـي جيتـه وادخلانـه
ماعاد لي في جيـة القصـر مصلـوح = الا ان رجـع نـور البـلاد بمكـانـه



وهنا يأتي سؤالك اخ عوض الذايدي ..

عن قصيدة

يادار يـا دار الخطـا منـك شلنـا
نرجع عليك ليا حصل نوفـي الديـن
يـادار لـو إنـك بغيتـي بدلـنـا
حنـا نعيـي لـو بغـــيتـي تبيعيـن

فقالها غانم اللميع عندما تأكد من خبر نقل الأمير محمد الأحمد السديري الى جيزان ..



وقد كان لنقله إلى جيزان ردود فعل مختلفه لدى أهالي الشمال ودعه الدهامشة بمشاعر مضطربه وحزيتة لحميمية العلاقة التي نشأت بيته وبيتهم وكان الشاعر غانم اللميع الدهمشي من الذين تعلقوا بشخص الأمير وحيوية مجالسه النابضة بالشعر وحسن التكريم يرتادون هذه المجالس ، فهذا الشاعر غانم اللميع يعبر عن أحاسيسه برسالة شعرية إلى جلالة الملك عبدالعزيز ، فيها بعض العتاب لإصداره أمراً بنقل الأمير محمد السديري والرسالة بصيغة عفوية وصادقة
يقول غانم



خطاك بين ياخو الأنوار علي حيـل =أفلجك وإن كانك مشيـت الشريعـه
قطعتني من قـرم الأولاد حلحيـل = ماريـد تبديلـه ولا ريـد بيـعـه
قرم إلى صكـو علينـا المشاكيـل=يمضي على هاك الجماعة جميعـه
حرٍ يصيـد ولا يصيـد المهازيـل=أشقر على جول الحبـاري قطيعـه
خليتني عقبة مثـل سـاري الليـل=عمره على المصباح قـرب وديعـه
الما شمال وهو نحر يمـة سهيـل=ما هو مدل وقـاع ربـي وسيعـه
ما أحلى بديوانـه يديـر الفناجيـل=خطو الغلام اللـي يمينـه سريعـه
كب البكـا يابـن بليهيـد بالحيـل=قبلك بكيـت ولا الليالـي مطيعـه
يابـن بليهيـد الليالـي مقابـيـل=ومن ضاق صدره يشنعنه شنيعـه
(محمد)نحر جيزان عسـاه للسيـل=تخضر ديـاره والرواعـي شبيعـه
يالقرم شب النـار وادن المعاميـل=واحمس من اللي سوق صنعا مبيعه



ا ارجو ان ردي فادك بمعلومه اخ / عوض



ولاكن لاننسى ذكر المصدر وهو فرج الدهمشي
منتديات مجالس قبيلة عنزه ..




ودي وتقديري