لنها شقرى وميالي لنها شقرا وميالي .. بين العصر والمغرب

[saudi]

اقبل علينا الصيف…
( لا ياشيخ ..ماتدري ان له شهرين الحين؟):)
استقبال الصيف يختلف من واحد لواحد….
فيه ناس اللي هم (( عيال النعمه )) الصيف عندهم ياهلا به ومسهلا…سفريات وروحات وجيات ومشتريات ووناسه ..وفله حجاج…
وفيه ناس اللي هم (( الطبقه الكادحه )) الصيف بالنسبه لهم تمساح…لاسباب كثير ..بس السبب الرئيسي انه موسم زواجات .

والمتزوج هذا ..اخ ..ولد عم…صديق…واحد من الجماعه….ولازم تعاونه في زواجه على قدر استطاعتك.. (( والله بعضهم ما يتذكرك إلا يوم يعرس )) . لكن مانلومه والله… الواحد اذا نوى يتزوج يحسب الف حساب.

اول شئ اذا نوى الواحد يعرس يروح لامه… ويكلمها في الموضوع… طبعا الوالده هذا ازين خبر راح تسمعه وعلى طول تصقعك بلائحه من بنات الديره …وتجلس تمدح فيهم يومين ولا ثلاثه (( وافلقني اذا هي شافت احد منهم;) )) بس سمعت وحده من العجايز تتكلم عنهم . واكيد الوالد ة راح تركز على وحده من البنات وتجلس تمدح فيها الين توصلها للسماء…
لسبب من اثنين : اما انها شافت البنت تشتغل في المطبخ ولقيت قهوتها زينه ولا طبخها سنع ولا ان ام البنت صديقه الوالده .
طيب يمه البنت زينه :p؟
زينه وبس إلا شيخه البنات ..الشعر وش الشعر ؟؟!! تقول ليل سرمدي والعيون وش اقول لك ياوليدي تقول فنجال قهوه (( ابوووك ياللوصف الشاعري :eek:)) ولا خشمها يخسى سيف الزير سالم…فمها..كنه مصاص تشوباشوبز…
واخونا في الله في هاللحظات فاتح فمه ورايح في احلام اليقظه .

(( هذي المرحله الاولى وهي مرحله الاختيار … عاد إلا ختيار راجع لمرئيات الوالده ))

نجي الحين لمرحله (( فتح الموضوع مع الوالد )) والله يعينك اذا ابوك يحب يتمسمس ويدور الشيخات هههه
الوالد اطال الله عمره من المتشددين في (المسمس) هههه <==== من هالنوع

مسيك بالخير يبه….
مسيك بالنور …يبه نويت اعرس..
بشر امك (( كخخخخخخخخخخخ ))

على البركه ياولد هاه في بالك احد ؟
أي والله يبه وش رايك في بنت (( ابو سعد…. مضاوي ))

بعد ماتكمل كلمتك هذي تتحول فناجيل القهوه والشاهي الى ذخائر حربيه والترامس الى قنابل…
قم قم لا بارك الله في العدو ابو مبارك…؟؟؟!!! مالقيت إلا هالرخمه وبنته ؟

(( ابو مبارك لا هوب برخمه ولاشئ … بس هي كذا تطلع في روس الشيبان لازم يعذربون وفي الاخير يوافقون ))
يبه وش فيه ابو مبارك ؟ ذكره طيب وما يفارق المسجد وعياله الكل يمدح فيهم ..!!
معصي انت وامك .. انت مالك إلا بنت ابو ناصر ..(( ابو ناصر صديق الوالد الروح بالروح ))
يبه الله يطول لي عمرك ماتدري ان بنته شايفه حالها علينا وماتبي تتزوج الا واحد معه ماجستير؟ ..!!
وش فيها ..ابوها رجال وشيخ ربعه (( هذا اللي يهمك انه شيخ انت ))

ويصير الواحد في حيره ودوامه الىدرجه انه يفكر يبطل من الزواج اساسا .. تتجه الانظار بعدها للوالده لتقوم بقردنه الوالد وجعله يوافق على بنت ابو مبارك. وبعد الحاح منها يرضخ الوالد لطلبها.

المرحلة الثالثة

تتوجه انت وابوك واخوانك وكم واحد من الربع الى ابو سعد لطلب ((( مضاوي ))) رسميا . يستقبلكم ابو سعد بالترحيب والتهليل . ويقلطكم في المجلس طبعا انت مسوي فيها رسمي جدا وجايب البشت معاك وحاط قلمين BIC احمر وازرق لزوم الكشخه في جيبك . هههه

بعد البروتوكولات والطقوس المعتمده وطلب البنت رسميا … على طول يوافق ابوها ماعنده وقت (( طيب يا اخي خذ راي البنت يمكن ماتبي ))
اعقب بناتنا مالهم رأي ولا فيه امل تناقشه في هالنقطه اساسا لان البنت لو رفضت راح يلحق العار ابو مبارك الين يموت (( ليش ما ادري ؟؟ ))
نجي الحين للطلب الانتحاري....

انت طبعا منطم طول الجلسه ماغير تدربي راسك يميل وشمال وبعد الموافقه تقول لبو سعد : طيب ممكن اشوف (( مضاوي )) ؟

افااااااااااااا وانا ابو العيال وينقز ابو سعد ويلقط رشاشه اللي معلق على الجدار .. ما عاد إلا هي والله ويطمر الربع على ابو سعد يحاولون تهدئته ويحقنونه بحقنه مورفين .
يبو سعد هذا حقي .. (( شوفه شرعيه )) هو أنا بتزوج لي (( بطيخة )) ما ادري هي حمراء ولا بيضاء .

شوفه ما فيه اعجبك ولا اقضب انت وابوك الباب …
(( يسخن الجو ويتوتر الوضع والكل على اهبه الاستعداد وبدال ماهو جو فرح يقلب جو حرب ))
يتدخل عيال الحلال وينهون الموضوع على ان مافيه شوفه ..(( واحد من الربع وعدك انه يخلي زوجته تسير عليهم وتشوف البنت )):)

المرحلة الرابعة

اخطر والعن مرحله وهي مرحله التجهيز للزواج مصاريف الزواج :
100000 الف ريال مهر (( فقط مهر )) والله لو اني مقدم لي على BMW انه ابرك لي
استأجار بيت مكون من غرفتين وصاله على اقل تقدير بحدود 15000 الف ريال ….
مصاريف العشاء اربعه قعدان بمواصفات خاصه ثلاثين خروف نجدي او نعيمي (( تمنع منعا باتا خرفان السواكني )) ليش؟ لانها رخيصه ..وكراتين الببسي والمويه والفواكه بامكانك فتح محل او بقاله صغيره منها وبعد انتهاء من تناول وجبه العشاء تكلفه اجماليه 150000 ريال
<=== لوني فاتح محل موالح :) ومزات كان دبلت المهر هههه

غالبيه الناس عندهم عاده وهي انك تعطي ام البنت اللي بتتزوجها 10000 الاف ريال (( أنا مستعد ادفع 20000 الف ريال بس اعرف وش السبب ؟؟ ايش المناسبه؟؟ ))
فيه مبلغ ايضا تعطيه زوجتك اول ليله بحدود 3000 الاف ريال يسمونها االشوفه… يعني شوفتي الشرعيه اللي هي حلال وحق من حقوقي ادفع فيها هالمبلغ هههههههه الله يرضى على سوق الاسهم
ابتزززاز :)

المرحلة الخامسة
تلقى الحقوق المدنية والشريطية وراك من شارع لشارع :)

هذي ماهي زواجات

ومشكلتنا ان الواحد من يتوظف طن طن ياولد
اول شيء بعيونه العرس ههههه

[مقبل الصقار]

على طاري الصيف:::

الله يعينا على هالصيف ,,,,,,, وعلى مقابل بعض الناس:(:(:(

المفروض انافجنيف ,,,,,,,, نصيف والافي مكناس.....:p:p:p


لاهنت ياخ saudi

دمت بود

[ثامر الخديّر]

قم قم لا بارك الله في العدو ابو مبارك…؟؟؟!!! مالقيت إلا هالرخمه وبنته ؟

ههههههههههههههه

مبدع كالعادة بطريقة نقدك الساخرة

وين الغيبة

سمعت أنك بالكويت ؟

[نظره ثاقبه]

هههههههههههههههههههههههههههههه



يخوي وربي انك رايق



بس أسلوب ساخر رآئع بسسرآحه




هبت رياح الصيف واتغير الجو ... وانا وليفي ما يداني سمومه << مدري وش دخلها



سي يو

[الراقي]

الصيف ضيعت اللبن.................

[راع الحردى]

الصيف الله يعين على طباخ التمر



خخخخخخخخخخخخخخخخخخخخخخخخ




هههههههههههههههههههههههههه

[فواز الزناتي]

؟؟؟


؟؟

[سعوط المجانين]

هههههههههههههههههههههههههههههههههههههههههه


بس ياخوي


لا هاللحين انا ماعرفت



البنت هي بنت ابوسعد ولا بنت ابومبارك


الله يرجك سعودي


وبصراحه موضوع جميل ورائع


واسلوبك اروع واجمل


لله درك


وبالسبه للزواج عندنا وانا اخوك


وخاصة البدووووووووووووووو


( صن مغطى )


و لا يمكن يدبلونها وتقوم عليك


ولا تقدر تمغط ظهرك من القروض والفيز


الله يعين يالبناخي



وتقبل تحباتي


سعوط المجانين

[القيصر]

ومشكلتنا ان الواحد من يتوظف طن طن ياولد
اول شيء بعيونه العرس ههههه

هههههههههههههههههه يااخوي من الظيم الواحد يقول طن طن مااحدن شايف خير
وقناة الذهبيه ماهي مقصره يخرب صنوجهم
والسعابيل تنوووووووووقط ههههه


ههههههههههههههههههههههههههه أما من ناحيه اللي ينقز يجيب رشاشه على شان ماتشوف البنت هذا متخلف ههههههه لو يسوي معي كذا اقوله بنتك عندك نقعها وكل شعرها هههههههه
بس والله يااخي قهر لما يزفونك الا انت داخل على المراه تناظر فيها الا نشخه طبق الاصل من اخوها بس بدون شنب ههههههه وش الفايده انا جاي ادور انوثه جايبين لي هالشيفه لو انا السالفه كذا اعرست على خويي طلق اللي بالاستراحه


العشاء يوم العرس من وراهم اذبح لي كم بسه من بساس الحاره مااحدن داري
والله خساره اذبح واسوي آخر شي مااحد ياكل



saudi لاتروح ابي ارجع لك بس ابي اروح اصيد بساس الحاره من الحين علشان اولمهن للعرس