ياحمام على الغابه ينوحي

[ابووائل العتيقي الجميشي]

شعرنا الشعبي قصيدة مشهورة سمعناها صغاراً ورددناها كباراً ولا تزال تثير فينا أعطر الذكريات كلما ترنمنا بها أفراداً أو جماعات وخاصة هذا البيت:


يا شريفة متى ودك نروح

يم ديرة هلك ياالعوسجيه



وهي من سامرية بديعة لشاعر عنيزة إبراهيم بن منصور الكنعاني وفوق أنها تفوح بالعشق والبوح فهي تقدم لنا تفاصيل دقيقة وجميلة عن بنات نجد في عصر الشاعر كيف كانت الواحدة منهن تعشق وتعشق وكيف تسرح شعرها بشكل يجعلها أكثر روعة وجمالاً خاصة حين تدري أنه سوف يراها الحبيب وفيها يقول:


يا حمام على الغابه ينوح

ساجع بالطرب لا واهنيه

قلت حيه ولاكنه بيوحي

مر عجل ولا سلم عليه

واعسى السيل دايم ما يروح

ما يفارق جفار الصالحيه

حيث ينصاه خطوات الطموح

كل بيضا هنوف عوسجيه

تنغض الراس لاجت بتروح

وتنكسه لية من فوق ليه

نفضت راسها ودها تروح

قلبها مشتغل يبي خويه

يا شريفه متى ودك نروح

يم ديرة هلك ياالعوسجيه

قالت اصبر يطيبن الجروح

شهر وعشر ودنولي مطيه

كن في ضامري قدر يفوح

أو غروب توامى في ركيه

روح روحي بغت روحي تروح

يوم قيل الغضي فيه جدريه

جيت ابشرب والى مسك يفوح

غاسل فيه وضاح الثنيه

والحجب نابيٍ فوق السطوح

والجدايل على متنه طويه

جعل زمل يبي خلي يروح

ينكسر في شعيب الصالحيه

قلت يا ذا الحمام اللي تنوح

جارك الله عن الرامي نجيه

ذكرت صاحبي مبري الجروح

قذلته فوق متنه هلهليه"



وفي هذه القصيدة الودود عشق غريب لم أجد مثله في القديم والحديث

[ابن شعبان الصليلي]

نقل مميز كالعاده امتعتنا الله لا يهينك على الابداع ابو وائل ننتضر المزيد منك لاهنت مشكووور

[خالد تركي الدهمشي]

بيض الله وجهك نقل رائع
دمت بود

[فــرج الدهمشي]

يعطيك العافيه أمتعتنا اخوي بهذه القصه

[علي صفاق الجميشي]

يعطيك العافيه على النقل الرائع

لاعدمنا من تواصلك الراقي

[ابووائل العتيقي الجميشي]

شرفني مروركم الملكي ....

[الماسترو]

يعطيك الف عاافيه
تقبل مروري

[ابووائل العتيقي الجميشي]

مرورك شرفني يا الماسترو .... بارك الله فيك