قصيدة بقلمي مهداه إلى منتدى الدهامشه

السلام عليكم ورحمة الله وبركاته .. أقدم لكم أولى قصائدي في هذا المنتدى الشامخ وعساني أحوز على رضآ الجميع . .

أبسرج المهره وأخايلها درب=أصيلتن ماتشوف غير الأصايل
وليدتن بالفعل خيالها سرب=سرب الهجوس اللي براسي تخايل
والله لوجها شمالن ماهو غرب=يم النشاما عزوتي عيال وايل
ويلان ذولا ساعة الضيق والكرب=مزبنك لا ضاقت عليك السبايل
قبيلتن لا دقت أجراسها الحرب=ماتنزل إلا بالصفوف الأوايل
تمشي سواة الريح ويدينها ضرب=وياويل منهو باللقا جاك عايل
أشرب ضماها لو صفا دونها شرب=هي مروية شوق الصدور الغلايل
من حقي أفخر به وأنا خاطري طرب=الذيب مايسلك طريق المحايل
وشعري خبرته مادنى دونه الزرب=نزيه مايحتاج عرف ودلايل
ولاهمني لاعلقت باقي العرب=دامي عنزي وعزوتي عيال وايل