وطن بيض النوايا (مصافحه اولى

للشمال وأهلها قصة عشق لاتنتهي
من هنا كانت ولادة هذا النص الشعري الذي أصافحكم به وهو وليد غربه كانت عن أرض الشمال وأهلها
مصافحه أولى لي معكم هنا فأقبلوها

من شمال وكل ما هب الهوى ميّل شمـال=للديار اللي تبختر فـي قلـوب أحبابهـا
ياشمال وكل ما جالك مع الطاري مجـال=سافر الخاطر لأرضـك وأرتمـى بترابهـا
سيرة المجد ,واصول الطيب,وسلوم الرجال=من قديم الوقت وفعـول الوفـا تزهابهـا
في ملامحها بساطه ترتسـم تحـت الليـال=تخبر اللي لا لفاها عن قلـوب أصحابهـا
منبع الطهر بثراها ووجها سمـح القبـال=وأرضها الصدر الحنون اللي مشرّع بابهـا
ليلها دايم حزين ويلبـس الهيبـه عقـال=وصبحها وجه الربيع اللي غفى بأهدابهـا
درة الدنيا بعيني وعشقها فـوق الخيـال=شلتها في قلب شاعـر بالغـلا غنّـا بهـا
مغترب عنها وأحس الشوق فيني لايـزال=يلمع بوسط العيون اللي دمعت لغيابهـا
ياشمال وكل ما مالت مع النسمات مـال=قلب عاشقها يميـل مـن الولـع لترابهـا
هي وطن بيض النوايا وأهلها النبع الزلال=حيّها ذيك الديار ومن سكن بشعابها

سعود